ప్రస్తుతం వరసపెట్టి సినిమాలు చేస్తున్న చిరంజీవి యంగ్ డైరెక్టర్ వశిష్ట దర్శకత్వంలో ‘విశ్వంభర’ మూవీలో నటిస్తున్న విషయం తెలిసిందే. ‘జగదీక వీరుడు అతిలోక సుందరి’ మూవీ స్థాయికి మించి ఫ్యాంటసీ మూవీగా భారీ బడ్జెట్ తో ఈ మూవీని తీస్తున్నారు. ఈ మూవీ కథకు సంబంధించి వస్తున్న లీకుల ప్రకారం ‘విశ్వంభర’ లో చిరంజీవి పాత్ర పేరు దొరబాబు అని అంటున్నారు.
భీమవరం దగ్గరలోని ఒక గ్రామంలో కథ మొదలవుతుందని టాక్. మధ్య తరగతి కుటుంబానికి చెందిన చిరంజీవికి ఈ మూవీలో 5 గురు చెల్లెళ్ళు ఉంటారట. ఈమూవీ కథ చాలమటుకు సిస్టర్ సెంటిమెంట్ తో నడవడంతో ఈమూవీని చూస్తున్న వారికి గతంలో చిరంజీవి నటించిన సిస్టర్ సెంటిమెంట్ మూవీ ‘హిట్లర్’ కధ రేఖా మాత్రంగా గుర్తుకు వస్తుంది అని అంటున్నారు. పెద్దకుటుంబమే అయినప్పటికీ అయిదుగురు అక్కాచెల్లెళ్ల బాధ్యత చిరంజీవి పై ఉండటంతో వారి కోసం ఎలాంటి సాహసాన్ని అయినా చిరంజీవి చేస్తూ ఉంటాడట.
అయితే చెల్లెళ్లుగా అక్కలుగా నటించే నటీమణుల కోసం ఇప్పుడు అన్వేషణ కొనసాగుతున్నప్పటికీ ఈపాత్రలకు సరైన న్యాయం చేయగల నటీమణులు దర్శకుడు విశిష్ట కు అయందుబాటులోకి రావడం లేదు అంటున్నాయాఉ. ఈమూవీలో చిరంజీవి పక్కన హీరోయిన్ గా త్రిష ఎంపిక అయినప్పటికీ ఈమూవీ కథ రీత్యా మరో ఇద్దరు హీరోయిన్స్ అవసరం ఉండటంతో వారి గురించి అన్వేషణ కొనసాగుతోంది అన్న వార్తలు వినిపిస్తున్నాయి. వచ్చే సంవత్సరం సంక్రాంతిని టార్గెట్ చేస్తూ విడుదల కాబోతున్న ఈ మూవీని పాన్ ఇండియా స్థాయిలో విడుదల చేయడానికి దర్శకుడు వశిష్ట భారీ ప్లాన్స్ ఇప్పటి నుంచే అమలు చేస్తున్నట్లు వార్తలు వినిపిస్తున్నాయి..
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి