നിങ്ങളെക്കുറിച്ചോർക്കുമ്പോൾ അഭിമാനവും സന്തോഷവും തോന്നുന്നു; നടി ശോഭനയെ കുറിച്ച് ലിസി! നൃത്തത്തിലെയും സിനിമയിലെയും സംഭാവനകൾ പരിഗണിച്ചായിരുന്നു താരത്തിന് പുരസ്‌കാരം ലഭിച്ചത്. സെലിബ്രിറ്റികളും ആരാധകരുമെല്ലാം ശോഭനയ്ക്ക് അഭിനന്ദനം അറിയിച്ചിരുന്നു. പ്രിയപ്പെട്ടവരുടെ ആശംസകൾ ഷെയർ ചെയ്ത് താരം നന്ദി അറിയിച്ചിരുന്നു. ഈ നേട്ടത്തിൽ ഒരുപാട് സന്തോഷം, ചേച്ചിയെക്കുറിച്ച് അഭിമാനം തോന്നുന്നു എന്നായിരുന്നു മീന കുറിച്ചത്. പത്മഭൂഷൺ പുരസ്‌കാരം ലഭിച്ച ചേച്ചിക്ക് എല്ലാവിധ ആശംസകളും എന്നായിരുന്നു ദിവ്യ ഉണ്ണി കുറിച്ചത്. ഇവരുടെ പോസ്റ്റുകൾ ഇൻസ്റ്റഗ്രാം സ്‌റ്റോറിയിലൂടെയായി ശോഭന പങ്കുവെച്ചിരുന്നു. ശോഭനയ്‌ക്കൊപ്പമുള്ള ഫോട്ടോ പങ്കുവെച്ചായിരുന്നു ലിസി സന്തോഷം പങ്കുവെച്ചത്.
പത്മവിഭൂഷൻ, പത്മഭൂഷൻ, പത്മശ്രീ പുരസ്‌കാര ജേതാക്കൾക്ക് അഭിനന്ദനങ്ങൾ. നിങ്ങളെ ഓർത്ത് അഭിമാനവും, അതേപോലെ സന്തോഷവും. ശരിക്കും അർഹിക്കുന്നത് എന്നുമായിരുന്നു ലിസി കുറിച്ചത്. നിരവധി പേരായിരുന്നു ലിസിയുടെ ഫോട്ടോയുടെ താഴെയായി ശോഭനയെ അഭിനന്ദിച്ച് എത്തിയിട്ടുള്ളത്. ഇത്തവണ പത്മഭൂഷൺ പുരസ്‌കാരം ലഭിച്ചവരുടെ ലിസ്റ്റിൽ ശോഭനയും ഇടം പിടിച്ചിരുന്നു. പ്രതീക്ഷിച്ചില്ല ഈ പുരസ്‌കാരം എന്നായിരുന്നു ശോഭന പ്രതികരിച്ചത്. ആത്മാർത്ഥ സുഹൃത്തുക്കൾ ഒരുകാലത്തും വേർപിരിയില്ല. ഹൃദയം കൊണ്ട് അവരെപ്പോഴും ഒന്നിച്ച് തന്നെയായിരിക്കും എന്ന ക്യാപ്ഷനോടെയായിരുന്നു മുൻപ് ലിസി എയിറ്റീസ് കൂട്ടായ്മയുടെ ഗെറ്റ് റ്റുഗദർ ചിത്രങ്ങൾ പങ്കുവെച്ചത്. ഇടയ്ക്കിടയ്ക്ക് ഇവരെല്ലാം ഒത്തുചേരാറുണ്ട്.
അഭിനയിച്ചിരുന്ന കാലത്തെയും, ഇപ്പോഴത്തെ ജീവിതത്തിലെ വിശേഷങ്ങളെക്കുറിച്ചും എല്ലാം എല്ലാവരും വാചാലരാവാറുണ്ട്. കൂട്ടത്തില് ആരുടെയെങ്കിലും മക്കളുടെ വിവാഹമുണ്ടെങ്കില് അതും ആഘോഷമാക്കി മാറ്റാറുമുണ്ട്.എയിറ്റീസ് താരങ്ങളുടെ കൂട്ടായ്മയിൽ സജീവമാണ് ശോഭനയും ലിസിയും. ഇടയ്ക്കിടയ്ക്കുള്ള ഒത്തുചേരലിന്റെ വിശേഷങ്ങൾ ഇവരെല്ലാം പങ്കുവെക്കാറുണ്ട്. ഒന്നിച്ച് കൂടാൻ കിട്ടുന്ന അവസരങ്ങളൊന്നും പാഴാക്കാറില്ലെന്നാണ് എല്ലാവരും പറയാറുള്ളത്. സിനിമയിൽ അത്ര സജീവമല്ലാത്തവരും ഈ കൂട്ടായ്മയിലുണ്ട്. താരവിവാഹങ്ങളിലും ഇവർ തിളങ്ങാറുണ്ട്. റഹ്‌മാന്റെ മകളുടെ വിവാഹത്തിന് ഇവരെല്ലാം ഒന്നിച്ച് ചിത്രങ്ങളും വീഡിയോകളും പകർത്തിയിരുന്നു.
നീണ്ട ഇടവേള അവസാനിപ്പിച്ച് ശോഭന മലയാള സിനിമയിലേക്ക് തിരിച്ചെത്തിയപ്പോൾ ആ ചിത്രത്തിൽ കല്യാണിയുമുണ്ടായിരുന്നു. ചില സമയത്ത് ശോഭന മാമിനെ അമ്മയെപ്പോലെ തോന്നിയിരുന്നു. അമ്മ ചേർത്ത് പിടിക്കുന്നത് പോലെയായിരുന്നു എന്നെ ചേർത്തുപിടിച്ചത് എന്നായിരുന്നു കല്യാണി പറഞ്ഞത്. വരനെ ആവശ്യമുണ്ട് എന്ന ചിത്രത്തിന്റെ ലൊക്കേഷൻ ചിത്രങ്ങളും വീഡിയോകളും അന്ന് കല്യാണി പങ്കുവെച്ചിരുന്നു. നകുലനും ഗംഗയും ഒന്നിച്ചെത്തിയപ്പോൾ സിനിമാലോകവും പ്രേക്ഷകരും ഒരുപോലെ സന്തോഷം പങ്കുവെച്ചിരുന്നു.
Find out more:
click and follow Indiaherald WhatsApp channel