രാഷ്ട്രീയ പ്രവേശനത്തെ കുറിച്ച് നടൻ വിജയ് നൽകിയ സൂച ഇങ്ങനെ! രാഷ്ട്രീയത്തിലേക്ക് സിനിമാ താരങ്ങൾ എത്തുക എന്നത് തമിഴ്‌നാട്ടിൽ പുതിയ കാര്യമല്ല. എംജിആർ, ജയലളിത, വിജയകാന്ത്, ശരത്കുമാർ, കമൽഹാസൻ, രജിനികാന്ത് തുടങ്ങി നിരവധി താരങ്ങൾ സിനിമയിൽ നിന്ന് രാഷ്ട്രീയത്തിലേക്ക് എത്തിയിട്ടുള്ളവരുമാണ്. നടൻ വിജയ് അങ്ങനെ രാഷ്ട്രീയത്തിലേക്ക് എത്തുമോ എന്നത് ആരാധകരുടെയും ജനങ്ങളുടെയും മനസ്സിൽ ഏറെ നാളായി ഉയരുന്ന ചോദ്യമാണ്. ഇപ്പോഴിതാ സൺ പിക്‌ചേഴ്‌സ് 'ദളപതി' ആരാധകർക്കായി വിജയ്‍യുടെ അഭിമുഖം സംപ്രേക്ഷണം ചെയ്തുകൊണ്ട് അതിനുള്ള ഉത്തരം നൽകിയിരിക്കുകയാണ്. 'ബീസ്റ്റ്' എന്ന ചിത്രത്തിൻറെ സംവിധായകനായ നെൽസനാണ് അവതാരകനായി എത്തിയത്.
10 വർഷങ്ങൾക്ക് ശേഷമാണ് വിജയ് ഒരു ടിവി ചാനലിന് അഭിമുഖം നൽകിയിരിക്കുന്നത്. "ഞാൻ ഒരു അഭിമുഖം നൽകിയിട്ട് 10 വർഷമായി. അഭിമുഖം നൽകാൻ ആഗ്രഹിക്കാത്തതുകൊണ്ടായിരുന്നില്ല, അവസാനത്തെ അഭിമുഖത്തിൽ ഞാൻ സംസാരിച്ചത് അൽപം പരുഷമായി പോയെന്ന് തോന്നി. അതിനാൽ, അന്നുമുതൽ ഞാൻ അൽപം ശ്രദ്ധിക്കാൻ തീരുമാനിക്കുകയായിരുന്നു. ലൊക്കേഷനുകളിൽ ഷൂട്ടിനിടയിലും എനിക്ക് ദേഷ്യം വരാറുണ്ടെങ്കിലും അത് പുറത്ത് കാണിക്കാതിരിക്കാൻ പലപ്പോഴും ഞാൻ ശ്രമിക്കാറുണ്ട്. നിങ്ങൾക്ക് ഒരു അവസരം നഷ്‌ടപ്പെടുകയാണെങ്കിൽ കണ്ണുകൾ കണ്ണീരാൽ നിറയ്ക്കരുത്, മറ്റൊരു അവസരം കൊണ്ടത് മറച്ചുവയ്ക്കണം. അങ്ങനെ അത് എളുപ്പമാക്കി എടുക്കൂ'', വിജയ് പറഞ്ഞു. 'ഞാൻ ദൈവത്തിൽ ഉറച്ചു വിശ്വസിക്കുന്നൊരാളാണ്. സമയം കിട്ടുമ്പോഴെല്ലാം ഞാൻ പള്ളികളിലും ക്ഷേത്രങ്ങളിലും ദർഗയിലുമെല്ലാം സന്ദർശനം നടത്താറുണ്ട്.
എൻറെ അമ്മ ഹിന്ദുവും അച്ഛൻ ക്രിസ്ത്യാനിയുമാണ്. എന്നോട് ഒരിക്കലും അവരാരും ഇവിടെ പോകണമെന്നോ അവിടെ പോകണമെന്നോ പറഞ്ഞിട്ടില്ല, അതാണ് ഞാൻ എൻറെ കുട്ടികളെയും പഠിപ്പിക്കുന്നത്', "അച്ഛന്മാർ മരത്തിൻറെ വേരുകൾ പോലെയാണ്, ഞാൻ എൻറെ അച്ഛനെ മാത്രം പുകഴ്ത്തി പറയുകയല്ല, എല്ലാ അച്ഛന്മാരേയും കുറിച്ചാണ് പറയുന്നത്. ദൈവവും അച്ഛനും തമ്മിലുള്ള ഒരേയൊരു വ്യത്യാസം നിങ്ങൾക്ക് ദൈവത്തെ കാണാൻ കഴിയില്ല, പക്ഷേ നിങ്ങൾക്ക് നിങ്ങളുടെ അച്ഛനെ കാണാം എന്നതാണ്'' നാല് കാറുകളുണ്ടായിട്ടും 2021ൽ വിജയ് പോളിംഗ് ബൂത്തിലേക്ക് സൈക്കിളിൽ പോയതിനെക്കുറിച്ചും നെൽസൺ ചോദിക്കുകയുണ്ടായി,
"പോളിംഗ് സ്റ്റേഷൻ എൻറെ വീടിൻറെ തൊട്ടുപിറകിലാണ്, ഞാൻ ഇറങ്ങിയപ്പോൾ സൈക്കിൾ കണ്ടു, അപ്പോൾ ഞാനെൻറെ മകനെ ഓർത്തു, അങ്ങനെ അത് ഉപയോഗിച്ചതാണ്, പക്ഷേ അതൊരു പ്രശ്നമായെന്ന് മാത്രമല്ല തിരിച്ചെത്തിയപ്പോൾ മകൻ ചോദിച്ചത് സൈക്കിളിന് പ്രശ്നമൊന്നുമില്ലല്ലോ എന്നായിരുന്നു''! "ഇളയ ദളപതിയിൽ നിന്ന് 'ദളപതി' (ജനറൽ) ആയി മാറി, ഇനി 'തലൈവൻ' ആയി മാറുമോ എന്നുള്ള നെൽസൻറെ ചോദ്യത്തിന് വിജയ് മറുപടി നൽകിയത് ഇങ്ങനെയായിരുന്നു, "ഞാൻ 'തലൈവൻ' ആയി മാറണമെന്ന് അവർ ആഗ്രഹിക്കുന്നുവെങ്കിൽ, എനിക്ക് ആ മാറ്റം തടയാനാവില്ല".
Find out more:
click and follow Indiaherald WhatsApp channel