సినిమాపై మిశ్రమ అభిప్రాయాలు కూడా వ్యక్తమవుతున్నాయి. ఫస్ట్ హాఫ్ బ్లాక్‌బస్టర్‌గా పేర్కొన్నా సెకండ్ హాఫ్ కొంత నిరాశపరిచిందని కొందరు నెటిజన్లు అభిప్రాయపడ్డారు. కథ రొటీన్ స్పై థ్రిల్లర్ టెంప్లేట్‌లో ఉందని, వీఎఫ్‌ఎక్స్‌లో లోపాలు ఉన్నాయని విమర్శలు వచ్చాయి. కొందరు సినిమా యావరేజ్‌గా ఉందని, ఎమోషనల్ డెప్త్ లోపించిందని పేర్కొన్నారు . ఉదాహరణకు, ఒక యూజర్ సినిమాను "మీడియోకర్ యాక్షన్ థ్రిల్లర్"గా అభివర్ణించాడు, స్టైల్ కంటే కంటెంట్‌కు ప్రాధాన్యత ఇవ్వాలని సూచించాడు.
హీరోల నటనపై ప్రశంసలుఎన్టీఆర్, హృతిక్ నటనపై మాత్రం అందరూ ఏకగ్రీవంగా ప్రశంసలు కురిపించారు. ఎన్టీఆర్ తన తీవ్రమైన స్క్రీన్ ప్రెజెన్స్‌తో ఫస్ట్ హాఫ్‌ను డామినేట్ చేశాడని, హృతిక్ సెకండ్ హాఫ్‌లో అద్భుతమైన ట్విస్ట్‌తో మెప్పించాడని నెట్ రివ్యూలు చెబుతున్నాయి. క్లైమాక్స్ ఫైట్ సీన్, ఇంటర్వెల్ ట్విస్ట్‌లు గూస్‌బంప్స్ తెప్పించాయని అభిమానులు రాశారు. కియారా అద్వానీ యాక్షన్ రోల్ కూడా ఆశ్చర్యపరిచిందని, అయితే ఆమె పాత్రకు ఎక్కువ ప్రాధాన్యత లేదని కొందరు విమర్శించారు. సినిమాటోగ్రఫీ, యాక్షన్ సన్నివేశాలు అద్భుతంగా ఉన్నాయని సెన్సార్ రివ్యూలు కూడా సూచించాయి.
తెలుగు రాష్ట్రాల్లో ఎన్టీఆర్ కారణంగా భారీ బుకింగ్స్ జరిగాయని, అయితే సినిమా బ్రేక్ ఈవెన్ కావాలంటే 700 కోట్ల గ్రాస్ కలెక్ట్ చేయాలని ట్రేడ్ వర్గాలు అంచనా వేశాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి