ముఖ్యంగా కొండవీటి దొంగలో గుర్తుండిపోయే గుర్రం పోజ్‌ని రీక్రియేట్ చేయడం అభిమానులను ఒక్కసారిగా ఆ కాలానికి తీసుకెళ్లిపోయింది. అలాగే ఈ గ్లింప్స్‌లో చిరంజీవి లుక్‌ కూడా పెద్ద హైలైట్. గెటప్ చూస్తే ఒక సెక్యూరిటీ ఏజెన్సీ బాస్‌లా కనిపించడం, ఆయన వ్యక్తిత్వాన్ని మరో కోణంలో చూపించింది. మెగాస్టార్ స్క్రీన్ ప్రెజెన్స్ ఏ స్థాయిలో ఉంటుందో ఈ చిన్న వీడియోలోనే స్పష్టమైంది. ఈ సినిమాకు మరో ఆకర్షణ వెంకటేశ్‌ అతిథి పాత్ర. ఇప్పటికే ఇది ఫిక్స్ అయ్యింది. అయితే సర్‌ప్రైజ్‌గా ఆయన వాయిస్ ఓవర్ ఇవ్వడం టైటిల్ గ్లింప్స్‌కి అదనపు రేంజ్ ఇచ్చింది. చిరు - వెంకీ ఫ్రెండ్షిప్ బాండ్, వారి స్క్రీన్ కెమిస్ట్రీ ఎప్పుడూ అభిమానులకు ప్రత్యేకమే.
అనిల్ రావిపూడి ఆడియన్స్ పల్స్‌ను అద్భుతంగా పట్టుకునే దర్శకుడు. ఎంటర్టైనింగ్ స్టైల్‌లో సినిమాలు తీయడంలో ఆయనకు ప్రత్యేక గుర్తింపు ఉంది. ఆయన సినిమాలు సాధారణ ప్రేక్షకుల్నీ, ఫ్యామిలీ ఆడియన్స్‌నీ ఆకట్టుకునే మాస్ + క్లాస్ మిక్స్‌డ్‌తో ఉంటాయి. ఇంతకు ముందు సంక్రాంతి వస్తున్నాం లాంటి ఎంటర్‌టైనర్ ఎంత హిట్టయ్యిందో అందరికీ తెలిసిందే. అలాంటి మ్యాజిక్ ఇప్పుడు “మన శంకరవరప్రసాద్‌గారు”లో రిపీట్ అవుతుందన్న నమ్మకం అభిమానుల్లో పెరిగింది. సంక్రాంతి సీజన్‌లో రిలీజ్ కానున్న ఈ చిత్రం, చిరంజీవి ఫ్యాన్స్‌కు మాత్రమే కాదు, మొత్తం తెలుగు ప్రేక్షకులకు పండగ వాతావరణం కలిగించనుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి