ఇప్పటివరకు ఎక్కువగా రొమాంటిక్ లేదా ఫ్యామిలీ ఎంటర్టైన్మెంట్ సన్నివేశాలలో కనిపించిన కొంతమంది హీరోలు ఇప్పుడు ఫ్యాన్స్ అభిరుచులు అర్థం చేసుకుంటున్నారు. ప్రేక్షకులు తమ హీరోలను తెరపై ఏ రకమైన పాత్రలో చూడాలనుకుంటున్నారో తెలుసుకొని, ఆ దిశగా స్క్రిప్టులు ఎంచుకోవాలని నిర్ణయించుకుంటున్నారు. ఇందులో మెగా పవర్‌స్టార్ రామ్ చరణ్ పేరు కూడా బాగా వినిపిస్తోంది. ఆయన ప్రస్తుతం ఏ రకమైన కథలలో నటిస్తే ఫ్యాన్స్ ఎంజాయ్ చేస్తారు అనే విషయంలో సోషల్ మీడియాలో చర్చలు ఎక్కువగా జరుగుతున్నాయి. చాలామంది అభిప్రాయం ప్రకారం రామ్ చరణ్ ఒక స్పై థ్రిల్లర్ లేదా ఇంటెలిజెంట్ ఏజెంట్ రకం కథలో నటిస్తే అద్భుతంగా సూట్ అవుతారని కామెంట్స్ చేస్తున్నారు. చరణ్‌కి ఉన్న పాన్ ఇండియా ఇమేజ్, స్టైలిష్ లుక్స్, ఫైట్ సీక్వెన్స్‌లలో ఉన్న అద్భుతమైన ప్రెజెన్స్—అన్ని కలిసి ఒక స్పై థ్రిల్లర్‌కి బాగా నప్పుతాయని ఫ్యాన్స్ అనుకుంటున్నారు.
అయితే రామ్ చరణ్ అభిమానుల కోరిక నిజమవుతుందా లేదా అనేది చూడాలి. ప్రస్తుతం ఆయన పెద్ది లాంటి భారీ ప్రాజెక్ట్ షూటింగ్లో బిజీగా ఉన్నారు. ఆ సినిమా పూర్తయ్యాక, సుకుమార్ దర్శకత్వంలో తెరకెక్కనున్న రంగస్థలం 2 కోసం సిద్ధమవుతారని సమాచారం. రంగస్థలం మొదటి భాగం ఎంత పెద్ద విజయాన్ని సాధించిందో అందరికీ తెలిసిందే. అలాంటి సినిమాకి సీక్వెల్ తీసుకురావడం అన్నదే ప్రేక్షకుల్లో భారీ అంచనాలు కలిగిస్తోంది. ఈ సినిమా రామ్ చరణ్ కెరీర్‌లో మరో మైలురాయిగా నిలిచే అవకాశం ఉందని ఇండస్ట్రీ వర్గాలు చెబుతున్నాయి.అందువల్ల పవన్ కళ్యాణ్ “ఓజి” సినిమాలో తెచ్చిన మాస్ యాక్షన్ ప్రభావం రామ్ చరణ్ సహా మరికొంతమంది స్టార్ హీరోలను కొత్తగా ఆలోచించేలా మార్చిందని చెప్పొచ్చు. రాబోయే రోజుల్లో ఈ ప్రభావం మరింత స్పష్టంగా కనిపించబోతోందని సినీ విశ్లేషకులు అంటున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి