జూనియర్ ఎన్టీఆర్, ప్రశాంత్ నీల్ కాంబినేషన్‌లో తెరకెక్కుతున్న చిత్రంపై సినీ ప్రియుల్లో భారీ అంచనాలు నెలకొన్నాయి. ఈ క్రేజీ కాంబో మూవీకి సంబంధించి ఇండస్ట్రీ వర్గాల నుంచి ఒక ఆసక్తికరమైన వార్త వినిపిస్తోంది. అదేంటంటే, ఈ సినిమాకి అనుకున్న 'డ్రాగన్' అనే టైటిల్‌ను మార్చినట్లు సమాచారం.
ఈ విషయంపై నిర్మాత రవిశంకర్ స్పందిస్తూ, జూనియర్ ఎన్టీఆర్ - ప్రశాంత్ నీల్ సినిమా కోసం ఒక మంచి టైటిల్ అనుకున్నామని, దాన్ని త్వరలోనే అధికారికంగా ప్రకటిస్తామని వెల్లడించారు. ఆ టైటిల్ ఇప్పుడే చెప్పేది కాదని, సరైన సమయం వచ్చినప్పుడు ఒక మంచి ఈవెంట్ నిర్వహించి ఆ టైటిల్‌ను రివీల్ చేస్తామని ఆయన తెలిపారు.
తాజాగా అందుతున్న సమాచారం ప్రకారం, ఈ సినిమా కొత్త షెడ్యూల్ డిసెంబర్ మొదటి వారంలో ప్రారంభం కానుందని, ఏప్రిల్ నాటికి షూటింగ్ పూర్తి చేయాలని లక్ష్యంగా పెట్టుకున్నామని నిర్మాత రవిశంకర్ తెలిపారు. ఈ చిత్రాన్ని 'ఇంటర్నేషనల్ మూవీ'గా అభివర్ణించారు. అంతేకాకుండా, ఈ సినిమాలో ఎన్టీఆర్ విశ్వరూపం చూస్తారంటూ ఆయన చేసిన కామెంట్లు ప్రస్తుతం సోషల్ మీడియాలో వైరల్ అవుతున్నాయి.
సమాచారం ప్రకారం, జూనియర్ ఎన్టీఆర్ - ప్రశాంత్ నీల్ కలయికలో రూపొందుతున్న ఈ భారీ ప్రాజెక్ట్ (NTR 31) ప్రస్తుతం సెట్స్‌పై ఉంది. ఈ సినిమాకు మొదట్లో 'డ్రాగన్' అనే వర్కింగ్ టైటిల్ ప్రచారంలో ఉన్నప్పటికీ, తాజాగా దీనిని మార్చినట్లు చిత్ర బృందం స్పష్టం చేసింది. ఈ సినిమాతో ఎన్టీఆర్ సరికొత్త రికార్డులు క్రియేట్ చేయాలని ఫ్యాన్స్ కోరుకుంటున్నారు.
ఏపీ, తెలంగాణ‌లో వివిధ నియోజ‌క‌వ‌ర్గాల్లో నెల‌కొన్న ప్ర‌జ‌ల స‌మ‌స్య‌లు, రాజకీయ ప‌ర‌మైన అంశాల‌ను మా దృష్టికి తీసుకు రావాల‌నుకుంటున్నారా ? మీ స‌మ‌స్య లేదా మీరు చెప్పే విషయం ఏదైనా క్లుప్తంగా 9490520108 నెంబ‌రుకు వాట్సాప్ ద్వారా తెలియ‌జేయండి.
నోట్ : వ్య‌క్తిగ‌త స‌మ‌స్య‌లు వ‌ద్దు
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి