కేవలం యాక్షన్, డైలాగ్స్ మాత్రమే కాదు.. బాలయ్య ప్రసంగంలో సందేశం, సంస్కృతి స్పష్టంగా కనిపించాయి. "మనిషి జీవితంలో అన్నం, నీళ్లతో పాటు సినిమా కూడా ఒక భాగమైపోయింది. అందుకే సినిమా ద్వారా ఒక మంచి సందేశం ఇవ్వాల్సిన బాధ్యత మనపై ఉంది" అంటూ నటనంటే కేవలం నవ్వించడం, ఏడ్పించడం కాదని.. అది ఒక ఆత్మ నుంచి మరో ఆత్మలోకి పరకాయ ప్రవేశం చేయడమని చెప్పారు.'అఖండ 2' కథ గురించి చెబుతూ.. ధర్మాన్ని నిలబెట్టడానికి దైవాన్ని మనిషి తనలో ఆవాహన చేసుకునే పాత్ర తనదని ప్రకటించారు. “మహాశివుడి సాక్షిగా, పార్వతి శక్తి తోడుగా నా పాత్ర రుద్ర తాండవం చేస్తుంది!” అంటూ సినిమాలోని తన పాత్ర పవర్ రేంజ్‌ను ఎలివేట్ చేశారు. ఈ సినిమా కేవలం పాన్-ఇండియా కాదు, పాన్-యూనివర్స్ ఫిల్మ్ అని, ఇది "భారతదేశ ఆత్మ" అని ప్రకటించారు.
'మీతో నాకున్నది జన్మజన్మల అనుబంధం' అని అభిమానులతో తన బంధాన్ని గుర్తు చేసుకున్న బాలయ్య.. వేదికపైనే హిందీలో మాట్లాడి, 'అఖండ 2' పాన్-ఇండియా రేంజ్‌ను స్పష్టం చేశారు. 'అఖండ 2: తాండవం' డిసెంబర్ 5న ప్రపంచవ్యాప్తంగా రిలీజ్ కానుంది. ఇప్పటికే ట్రైలర్, పాటలు సంచలనం సృష్టిస్తుండగా.. బాలయ్య స్పీచ్ సినిమాపై హైప్‌ను ఆకాశానికి తీసుకెళ్లింది. ఈసారి బోయపాటి-బాలయ్య కాంబో బాక్సాఫీస్‌ వద్ద రుద్ర తాండవం చేయడం పక్కా!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి