ఇంటర్వ్యూలో యాంకర్ అడిగిన ప్రశ్నకు అంబటి రాంబాబు చాలా కూల్ గా, అదే సమయంలో ‘మాస్’ గా సమాధానం ఇచ్చారు. "సినిమాల్లో నటించడం తప్పేమీ కాదు కదా! నా వయసుకి, నా హోదాకు తగినట్లుగా.. ఒక గౌరవప్రదమైన, హుందైన పాత్ర వస్తే నేను ఖచ్చితంగా నటిస్తాను" అని అంబటి స్పష్టం చేశారు.ఇప్పటివరకు సినిమా నుంచి రాజకీయాలకు రావడం చూశాం.. కానీ నేను రాజకీయాల నుంచి సినిమా రంగంలోకి ప్రవేశించడానికి రెడీ అని ఆయన చెప్పడం విశేషం ..
అంబటి రాంబాబు తన విశ్లేషణను కూడా జోడించారు. మన దేశంలో సినిమా, రాజకీయం అనేవి విడదీయలేని రంగాలని, రెండింటికీ ప్రజల్లో విపరీతమైన క్రేజ్ ఉంటుందని ఆయన అభిప్రాయపడ్డారు.గతంలో కూడా అంబటి రాంబాబు తన వాక్చాతుర్యంతో, పంచ్ డైలాగులతో అసెంబ్లీలోనూ, ప్రెస్ మీట్లలోనూ సెంటర్ ఆఫ్ అట్రాక్షన్ గా ఉండేవారు. ఇప్పుడు అదే ఎనర్జీని వెండితెరపై చూపిస్తానంటున్నారు.ఇప్పటికే ఆయన వేసిన స్టెప్పులు, ‘సంక్రాంతి’ డ్యాన్స్ వీడియోలు సోషల్ మీడియాలో ఎంత రచ్చ చేశాయో తెలిసిందే .. ఇప్పుడు ఏకంగా ‘యాక్షన్’ చెప్పించుకోవడానికి ఆయన గ్రీన్ సిగ్నల్ ఇవ్వడం ఫిల్మ్ నగర్ లో కూడా చర్చకు దారితీసింది.అంబటి రాంబాబు గారి ఈ ప్రకటన చూస్తుంటే.. భవిష్యత్తులో ఏదైనా క్రేజీ ప్రాజెక్ట్ లో ఆయనను ‘మాస్’ క్యారెక్టర్ లో చూసే అవకాశం ఉందేమో అనిపిస్తోంది ..
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి