విక్కీ కౌశల్ తండ్రి.. రంగంలోకి దిగాడు!
'దంగల్', 'పద్మావత్', 'బాజీరావ్ మస్తానీ' వంటి భారీ బ్లాక్బస్టర్ చిత్రాలకు యాక్షన్ కొరియోగ్రఫీ అందించిన బాలీవుడ్ ఫైట్ మాస్టర్ శామ్ కౌశల్ (నటుడు విక్కీ కౌశల్ తండ్రి).. 'పెద్ది' సినిమాలోని కీలక యాక్షన్ ఘట్టాలను పర్యవేక్షిస్తున్నారు. ప్రస్తుతం హైదరాబాద్లోని అల్యూమినియం ఫ్యాక్టరీలో ప్రత్యేకంగా వేసిన భారీ సెట్లో.. రామ్ చరణ్, కన్నడ సూపర్ స్టార్ శివ రాజ్కుమార్ పాల్గొనగా ఒక హై-ఇంటెన్సిటీ ఫైట్ సీక్వెన్స్ చిత్రీకరణ జరుగుతోంది.
రూ. కోట్ల ఖర్చుతో.. ఇండియన్ సినిమా చరిత్రలోనే తొలిసారి!
దర్శకుడు బుచ్చిబాబు సానా విజన్కు తగ్గట్టుగా, ఈ యాక్షన్ బ్లాక్ సినిమాకే హైలైట్గా నిలవనుంది. ఇందుకోసం ప్రొడక్షన్ డిజైనర్ అవినాష్ కొల్లా సారథ్యంలో ఓ భారీ సెట్ను నిర్మించారు. ఈ ఒక్క యాక్షన్ సీక్వెన్స్ కోసం మేకర్స్ భారీ మొత్తంలో ఖర్చు పెడుతున్నారంటే.. దాని ప్రాముఖ్యత ఏంటో అర్థం చేసుకోవచ్చు. ప్రతి ఫైట్ సీక్వెన్స్ను ప్రత్యేక కాన్సెప్ట్లతో, మునుపెన్నడూ చూడని విధంగా డిజైన్ చేస్తున్నారు.నిజానికి, రామ్ చరణ్ సినిమాల్లో యాక్షన్ ఎప్పుడూ కొత్తగానే ఉంటుంది. రాజమౌళి 'RRR' తర్వాత చరణ్ నుంచి వస్తున్న ఈ 'పెద్ది' చిత్రం కూడా అదే రేంజ్లో భారీ యాక్షన్ ప్యాక్డ్గా ఉండాలని మేకర్స్ పట్టుదలగా ఉన్నారు. అందుకే, జాతీయ స్థాయిలో ప్రశంసలు అందుకున్న శామ్ కౌశల్ను తీసుకురావడంలో నిర్మాతలు మైత్రి మూవీ మేకర్స్, సుకుమార్ రైటింగ్స్ ఎక్కడా రాజీ పడలేదు. స్టంట్ మాస్టర్గా నవకాంత్ వ్యవహరిస్తున్న ఈ యాక్షన్ ఘట్టాలు.. ప్యాన్-ఇండియా ప్రేక్షకులకు కొత్త అనుభూతిని ఇవ్వడం ఖాయం!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి