ఇక సోషల్ మీడియాలో సినిమా గురించి చర్చలు ఊపందుకుంటూ సాగుతున్నాయి. ప్రత్యేకంగా హీరోయిన్ సంయుక్త నటన గురించి నెటిజెన్స్ ప్రశంసలు కురిపిస్తున్నారు. బాలయ్యకు సరితూగే స్క్రీన్ ప్రెజెన్స్, ఎమోషన్స్, లుక్స్ అన్నింటిలోనూ ఈ సినిమాలో ఆమె మంచి ఫిట్ అయిందని ప్రేక్షకులు అభిప్రాయపడుతున్నారు. కానీ ఇదే సమయంలో మరో ఆసక్తికరమైన చర్చ సోషల్ మీడియాలో ఎక్కువగా వైరల్ అవుతోంది. అందులో భాగంగా, “సంయుక్త బాగానే చేసింది… కానీ ఆ పాత్రలో నయనతార ఉంటే ఇంకా వేరే లెవెల్లో సినిమాకి రేంజ్ పెరిగిపోయేది,” అని కామెంట్లు చేస్తున్నారు కొంతమంది నెటిజెన్స్. బాలయ్య – నయనతార కాంబినేషన్ ఎప్పుడూ స్క్రీన్పై మ్యాజిక్ క్రియేట్ చేస్తుందని, ఇద్దరి కెమిస్ట్రీకి ప్రత్యేక ఫ్యాన్ బేస్ ఉందని, అలాంటప్పుడు అఖండ 2లో కూడా నయనతార నటించి ఉంటే సినిమా హైలైట్ మరింత భారీగా ఉండేదని చర్చిస్తున్నారు.
ఇకపోతే, ఈ కామెంట్లపై బాలయ్య అభిమానులు కూడా తమ అభిప్రాయాలు వ్యక్తం చేస్తున్నారు. “సంయుక్త కూడా రోల్కు న్యాయం చేసింది… కథకు ఏది సరిపోతుందో అదే తీసుకున్నారు,” అంటున్నారు కొందరు. మరికొందరు మాత్రం “నయనతార అయితే అటెన్షన్ లెవెల్ మిగతా ఇండస్ట్రీస్లో కూడా మరింత పెరిగేది… పాన్ ఇండియా హైప్ ఇంకాస్త పెరిగేదేమో,” అని మద్దతు ఇస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి