ప్రభాస్, నిధి అగర్వాల్ కాంబినేషన్లో మారుతి దర్శకత్వంలో తెరకెక్కుతున్న 'ది రాజాసాబ్' సినిమాపై ప్రస్తుతం సినీ వర్గాల్లో భారీ స్థాయిలో అంచనాలు నెలకొన్నాయి. సుమారు 300 కోట్ల రూపాయల భారీ బడ్జెట్తో రూపుదిద్దుకుంటున్న ఈ చిత్రం జనవరి 9వ తేదీన ప్రపంచవ్యాప్తంగా థియేటర్లలో విడుదల కానుంది. ఈ సినిమా బాక్సాఫీస్ వద్ద సరికొత్త రికార్డులను సృష్టించడం ఖాయమని అభిమానులు ధీమా వ్యక్తం చేస్తున్నారు. ముఖ్యంగా ఈ సినిమా కోసం ప్రభాస్ భారీ స్థాయిలో పారితోషికం అందుకున్నట్లు సమాచారం.
ఈ సినిమా ప్రచార కార్యక్రమాల్లో భాగంగా హీరోయిన్ నిధి అగర్వాల్ ఆసక్తికర విషయాలను పంచుకున్నారు. షూటింగ్ సమయంలో తనకు ఎదురైన ఒక చిన్న ఇబ్బంది గురించి ఆమె సరదాగా వివరించారు. ఇప్పటివరకు తాను నటించిన ఏ హీరోతోనూ రాని సమస్య కేవలం ప్రభాస్తో మాత్రమే వచ్చిందని, అది మరేదో కాదు కేవలం 'హైట్' అని ఆమె పేర్కొన్నారు. ప్రభాస్ 6.2 అడుగుల ఎత్తు ఉండగా, తాను 5.7 అడుగుల ఎత్తు ఉన్నానని, ఒకే ఫ్రేమ్లో తమ ఇద్దరినీ బ్యాలెన్స్ చేయడం మారుతికి పెద్ద సవాల్గా మారిందని ఆమె చెప్పుకొచ్చారు.
నేను హై హీల్స్ వేసుకున్నా కూడా ప్రభాస్ ఎత్తును అందుకోవడం కష్టమైందని, చివరకు క్లోజప్ షాట్స్ తీసే సమయంలో తనను యాపిల్ డబ్బాల మీద నిలబెట్టి చిత్రీకరించారని ఆమె వెల్లడించారు. ఈ హైట్ సమస్య మినహాయిస్తే ప్రభాస్ వ్యక్తిత్వం అద్భుతమని, ఆయన రియల్ గోల్డ్ అని నిధి అగర్వాల్ ప్రశంసల వర్షం కురిపించారు. విజువల్ వండర్గా రాబోతున్న 'ది రాజాసాబ్' మూవీ బాక్సాఫీస్ వద్ద ఏ స్థాయి వసూళ్లను రాబడుతుందో చూడాలి.
ఈ వాట్సాప్ నెంబర్కు మీ జిల్లాలో రాజకీయ, సామాజిక సమస్యలు వివరాలు పంపండి..
ఏపీ, తెలంగాణలో వివిధ నియోజకవర్గాల్లో నెలకొన్న ప్రజల సమస్యలు, రాజకీయ పరమైన అంశాలను మా దృష్టికి తీసుకు రావాలనుకుంటున్నారా ? మీ సమస్య లేదా మీరు చెప్పే విషయం ఏదైనా క్లుప్తంగా 9490520108 నెంబరుకు వాట్సాప్ ద్వారా తెలియజేయండి.
నోట్ : వ్యక్తిగత సమస్యలు వద్దు
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి