సంక్రాంతి రేసులో మెగాస్టార్ సినిమా ముందు నిలబడటం ఇతర చిత్రాలకు కూడా ఒక విధంగా వరంగా మారింది. సంక్రాంతి సీజన్ లో విడుదలైన రవితేజ ‘భర్త మహాశయులకు విజ్ఞప్తి’, నవీన్ పోలిశెట్టి ‘అనగనగా ఒక రాజు’, శర్వానంద్ ‘నారీ నారీ నడుమ మురారి’ చిత్రాలకు చిరంజీవి సినిమా ‘ఓవర్ ఫ్లోస్’ బాగా కలిసొస్తున్నాయి. థియేటర్ల వద్ద ‘మన శంకర వరప్రసాద్ గారు’ టికెట్లు దొరక్కపోవడంతో ప్రేక్షకులు నిరాశతో వెనుదిరగకుండా, అందుబాటులో ఉన్న ఇతర సినిమాలకు వెళ్తున్నారు. ఈ రకమైన ఓవర్ ఫ్లోస్ వల్ల చిన్న మరియు మధ్యతరహా సినిమాలకు పండగ సీజన్ లో మంచి వసూళ్లు దక్కుతున్నాయి.
రెండు తెలుగు రాష్ట్రాల్లోని ప్రధాన నగరాల్లో చిరంజీవి చిత్రం కోసం ఉదయం 7 గంటల నుండే షోలు ప్రారంభమవుతున్నాయి. అర్ధరాత్రి దాటిన తర్వాత కూడా అదనపు షోలు నడుపుతున్నారంటే ఈ సినిమాకు ఉన్న డిమాండ్ అర్థం చేసుకోవచ్చు. పండగ సెలవులు కావడంతో కుటుంబ సమేతంగా సినిమాకు వస్తున్న ప్రేక్షకులు, మెగాస్టార్ సినిమా హౌస్ ఫుల్ బోర్డులు చూసి ఇతర చిత్రాల వైపు మొగ్గు చూపుతున్నారు. దీనివల్ల రవితేజ మరియు నవీన్ పోలిశెట్టి చిత్రాలకు కూడా ఊహించని రీతిలో బుకింగ్స్ పెరుగుతున్నాయి. ఈ సినిమాకు టిక్కెట్లు దొరకక రవితేజ, నవీన్ పోలిశెట్టి, శర్వానంద్ సినిమాలకు సైతం టిక్కెట్లు బాగా తెగుతున్నాయి.
అనిల్ రావిపూడి రూపొందించిన వినోదాత్మక కథనం, దానికి తోడు చిరంజీవి – వెంకటేష్ మధ్య వచ్చే ఆసక్తికర సన్నివేశాలు ప్రేక్షకులను థియేటర్లకు రప్పిస్తున్నాయి. చిరంజీవి వింటేజ్ మేనరిజమ్స్ తో పాటు పండగ వాతావరణం నెలకొనడంతో ‘మన శంకర వరప్రసాద్ గారు’ బాక్సాఫీస్ వద్ద తిరుగులేని విజేతగా నిలిచింది. ఈ చిత్రం సాధిస్తున్న భారీ వసూళ్లు ఇతర హీరోల చిత్రాలకు కూడా పరోక్షంగా ఊతాన్ని ఇస్తున్నాయి. ఇలా మెగాస్టార్ సినిమా ఉండటం వల్ల మొత్తం టాలీవుడ్ బాక్సాఫీస్ కళకళలాడుతోంది. పండగ ముగిసినా కూడా ఈ జోరు మరికొన్ని రోజుల పాటు కొనసాగే అవకాశం ఉందని ట్రేడ్ నిపుణులు విశ్లేషిస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి