കേരള പോലീസിനെ നിയന്ത്രിക്കുന്നത് ആര്; പിണറായിയോ, യോഗിയോ? ശകുന്തള ജംഗ്ഷനിൽ നിന്നും ആരംഭിച്ച മാർച്ച് എസ്.പി. ഓഫീസിന് നൂറുമീറ്റർ അകലെ പോലീസ് തടഞ്ഞു. മാർച്ചിനോടനുബന്ധിച്ച് നഗരത്തിലുടനീളം കനത്ത പോലീസ് കാവലാണ് ഏർപ്പെടുത്തിയിരുന്നത്. ജില്ലയിലെ മുഴുവൻ പോലീസ് ഉദ്യോഗസ്ഥരും മാർച്ച് നേരിടാനെത്തി. എന്നാൽ കൈകുഞ്ഞുങ്ങളുമായിവരെ സ്ത്രീകൾ അണിനിരന്നതോടെ സംഘർഷ സാധ്യതയില്ലെന്ന് വ്യക്തമായി. പൊരിവെയിലിലും സുദീർഘ പ്രസംഗങ്ങൾ ശ്രവിച്ച് മണിക്കൂറുകളോളം നടുറോഡിൽ കുത്തിയിരുന്ന് മുഴുവൻ പേരും മാർച്ചിന്റെ ഭാഗമായി നിലകൊണ്ടു. പോലീസിനെതിരെ പ്രതിഷേധമുയർത്തി പാലക്കാട് ജില്ലാ പോലീസ് മേധാവിയുടെ ഓഫീസിലേക്ക് സ്ത്രീകളെയും കുഞ്ഞുങ്ങളെയും അണി നിരത്തി എസ്.ഡി.പി.ഐ മാർച്ച്.
പോലീസിൽ ഉള്ള ആർ.എസ്.എസിന്റെ സ്ലീപ്പിംഗ് സെല്ലുകൾ എസ്.ഡി.പി.ഐക്കെതിരെ തിരക്കഥ മെനയുന്നു. ആർ.എസ്.എസ് തിട്ടൂരം നടപ്പാക്കുന്ന പോലീസിനെ ആർ.എസ്.എസിനെ കാണുന്ന രീതിയിലെ കാണാൻ കഴിയു. പാലക്കാട് പോലീസിനുള്ള ഉത്തരവുകൾ വരുന്നത് ഡി.ജി.പി.യുടെ ഓഫീസിൽ നിന്നല്ല, മറിച്ച് ബിജെപിയുടെ ഓഫീസിൽ നിന്നാണെന്ന് സംശയിക്കുകയാണ്. അത് നടപ്പാക്കാനുള്ള ശ്രമവുമായി മുന്നോട്ട് പോയാൽ ചെറുത്തുതോൽപ്പിക്കുമെന്നും അദ്ദേഹം പറഞ്ഞു. മാർച്ചിനെ അഭിസംബോധന ചെയ്തവരെല്ലാം ശക്തമായ ഭാഷയിലാണ് പോലീസിനെതിരെ ആഞ്ഞടിച്ചത്. പിണറായിയാണോ യോഗിയാണോ കേരള പോലീസിനെ നിയന്ത്രിക്കുന്നതെന്ന് വേർതിരിച്ചറിയാൻ കഴിയാത്ത വിധം പോലീസിനെ വർഗീയവത്കരിച്ചിരിക്കുന്നതായി മാർച്ച് ഉദ്ഘാടനം ചെയ്ത സംസ്ഥാന ജനറൽ സെക്രട്ടറി അജ്മൽ ഇസ്മയിൽ ആരോപിച്ചു.
വംശീയതയും വംശവെറിയും ഉയോഗിച്ച് കൊണ്ട് ചില പോലീസ് ഉദ്യോഗസ്ഥർ വിവേചനപരമായി പെരുമാറുകയാണ്. ആരുടെയും അച്ചിവീട്ടിൽ നിന്നും സ്ത്രീധനം കിട്ടിയതല്ല പോലീസ് സംവിധാനമെന്ന് ഓർക്കണം. എ.ഡി.ജി.പി. വിജയ് സാക്കറെയെ പേരെടുത്ത് പറഞ്ഞും ഉദ്ഘാടകൻ വിമർശിച്ചു. ജില്ലാ പ്രസിഡന്റ് ഷെഹീർ ചാലിപ്പുറം അദ്യക്ഷനായി. എസ്.പി. അമീർ അലി പ്രസംഗിച്ചു. നിരപരാധികളെ അന്യായമായി അറസ്റ്റ് ചെയ്ത് പീഡിപ്പിക്കുന്ന പാലക്കാട് പോലീസ് നടപടി അവസാനിപ്പിക്കുക, സുബൈർ വധക്കേസിൽ ആർ എസ് എസും പോലീസും തമ്മിലുള്ള ഒത്തുകളി അവസാനിപ്പിക്കുക,
സുബൈർ വധക്കേസിൽ വാഹനവും, ആയുധവും കൊടുത്ത പ്രതികളെ അറസ്റ്റ് ചെയ്യുക, എസ് ഡി പി ഐ പ്രവർത്തകന്റെ വീടിന് നേരെ ബോംബെറിഞ്ഞ ആർ എസ് എസ് കാരെ അറസ്റ്റ് ചെയ്യുക എന്നീ ആവശ്യങ്ങളുന്നയിച്ചായിരുന്നു മാർച്ച്. സംഘപരിവാർ ബന്ധമുള്ളവരെ പുറത്താക്കി പോലീസിനെ മതേതരവത്കരിക്കാൻ പിണറായിയുടെ ആഭ്യന്തര വകുപ്പിന് ആർജവമുണ്ടോ? ഇവിടെ മുഖ്യമന്ത്രിക്കെതിരെ മുദ്രാവാക്യം വിളിച്ചാൽ പോലും പ്രശ്‌നമില്ല. എന്നാൽ ആർ.എസ്.എസിനെതിരെ മുദ്രാവാക്യം വിളിച്ചാൽ അറസ്റ്റ് ചെയ്യും. ആർ.എസ്.എസിനെ വിളിച്ചാൽ എന്തിനാണ് പോലീസിനും പിണറായിക്കും പൊള്ളുന്നതെന്നും അജ്മൽ ചോദിച്ചു.
Find out more:
click and follow Indiaherald WhatsApp channel