സായി കുമാറിനൊപ്പം ജീവിക്കുന്നതിനെ കുറിച്ച് ബിന്ദു പണിക്കർ! ഏറ്റവും ഒടുവിൽ ചെയ്ത റോഷാക് എന്ന ചിത്രത്തിലെ അഭിനയം ഏറെ പ്രശംസകൾ നേടിക്കൊടുത്തു. എന്നാൽ ബിന്ദു പണിക്കറുടെ സ്വകാര്യ ജീവിതത്തിൽ സംഭവിച്ച കാര്യങ്ങൾ പലതും പുറം ലോകത്തിന് അറിയില്ല. ആദ്യ ഭർത്താവ് ഫിക്‌സ് വന്ന് മരിച്ചതാണെന്ന് പറയുന്നു. അതിന് ശേഷം എങ്ങിനെയാണ് സായി കുമാർ ജീവിതത്തിലേക്ക് കടന്ന് വന്നത്? കോമഡിയാണെങ്കിൽ കോമഡി, സീരിയസ് ആണെങ്കിൽ സീരിയസ്.. അങ്ങിനെ ഏതൊരു കഥാപാത്രത്തിന് വേണ്ടിയും വെള്ളം പോലെ മാറുന്ന അഭിനേത്രിയാണ് ബിന്ദു പണിക്കർ. ഭർത്താവ് മരിക്കുമ്പോൾ മകൾക്ക് ആറ് വയസ്സ് മാത്രമായിരുന്നു പ്രായം. സഞ്ജയനം കഴിഞ്ഞ ഉടനെ അഭിനയിക്കാൻ പോയിട്ടുണ്ട്. ആ സമയത്ത് മുന്നോട്ട് പോകാൻ അഭിനയിക്കുകയല്ലാതെ എനിക്ക് മറ്റ് മാർഗ്ഗങ്ങളില്ലായിരുന്നു. സിനിമ ഇന്റസ്ട്രിയിൽ നിന്നും നല്ല സഹായങ്ങൾ എനിക്ക് ലഭിച്ചിട്ടുണ്ട്.
അതിനിടയിലാണ് സായികുമാർ ജീവിതത്തിലേക്ക് വരുന്നത്. പക്ഷെ അതെ കുറിച്ച് പറയാൻ തനിക്ക് താത്പര്യമില്ല എന്ന് ബിന്ദു പണിക്കർ പറയുന്നു. ഞാനും സായിയേട്ടനും ഇപ്പോൾ സന്തോഷത്തോടെയാണ് കഴിയുന്നത് അത് മതി.പല തരത്തിലുള്ള ആരോപണങ്ങളും വരുന്നുണ്ടായിരിക്കാം. പക്ഷെ അതൊന്നും എന്നെ ബാധിക്കില്ല. ഓരോ വ്യക്തിയും കടന്ന് പോകുന്ന അവസ്ഥയെ കുറിച്ചും വിഷമങ്ങളെ കുറിച്ചും കേൾക്കാം എന്നല്ലാതെ ആർക്കും അത് മനസ്സിലാക്കാനോ അനുഭവിക്കാനോ കഴിയില്ല. അങ്ങിനെയുള്ളപ്പോൾ എന്റെ ജീവിതത്തിൽ എന്ത് സംഭവിച്ചു എന്ന് ഞാൻ പറയുന്നതിൽ കാര്യമില്ല. ഞാൻ എന്താണ് എന്റെ ജീവിതം എന്താണ് എന്ന് എനിക്ക് മാത്രമേ അറിയൂ. എന്നെ സംബന്ധിച്ച് മനാസാക്ഷിയോട് തെറ്റ് ചെയ്യാതെ ജീവിയ്ക്കുന്നു എന്നതാണ് കാര്യം.പിന്നെ ഓരോരുത്തരുടെ ജീവിതത്തിലും ഓരോ നിയോഗങ്ങൾ ഉണ്ടാവും. അതിന് പലരും നിമിത്തമാവും.
അത് ജീവിതത്തിന്റെ ഭാഗമാണ്. അങ്ങനെ ചിന്തിച്ചു കഴിഞ്ഞാൽ നമുക്ക് ആരോടും ദേഷ്യം തോന്നില്ല. സാധാരണ മനുഷ്യരാണ് നമ്മൾ എല്ലാം, ഒരാൾ നമ്മളെ കുറിച്ച് ആരോപണങ്ങളും കുറ്റങ്ങളും പറയുമ്പോൾ വേദനയും വിഷമവും ഒക്കെ തോന്നും. പക്ഷെ അതെല്ലാം കേൾക്കണം എന്നത് എന്റെ വിധിയാണ് എന്ന് ചിന്തിച്ചു കഴിഞ്ഞാൽ തീർന്നു. ഈ ആരോപണങ്ങൾ എല്ലാം ഉയരുമ്പോഴും അതിനെ അതിജീവിക്കാൻ ദൈവം കരുത്ത് നൽകുന്നു എന്നത് തന്നെയാണ് ഏറ്റവും വലിയ കാര്യം. സായി കുമാറിനെ ജീവിതത്തിലേക്ക് സ്വീകരിച്ച ശേഷം സിനിമയിൽ വിലക്ക് വന്നതായി തോന്നിയോ, എന്തുകൊണ്ട് ഇത്രയും നാൾ സിനിമ വന്നില്ല എന്ന ചോദ്യത്തോടും ബിന്ദു പണിക്കർ പ്രതികരിച്ചു.
എന്നെ വിളിച്ചാൽ ഞാൻ പോയി അഭിനയിക്കും, അതിനപ്പുറം ഒന്നും എനിക്ക് അറിയില്ല. അങ്ങിനെ കേൾക്കാനും എനിക്ക് ഇഷ്ടമല്ല. സിനിമയിൽ ഉള്ളവർ എല്ലാം സുഹൃത്തുക്കളാണ്, കൂടെ ഉള്ളവരാണ്. അങ്ങനെ ഒരു വിലക്ക് ആരും ഏർപ്പെടുത്തിയില്ല എന്ന് വിശ്വസിക്കാനാണ് എനിക്ക് ഇഷ്ടം. എനിക്ക് പറ്റിയ കഥാപാത്രങ്ങൾ ഉള്ളപ്പോൾ എന്നെ വിളിക്കും, അപ്പോൾ ഞാൻ പോയി അഭിനയിക്കും. അങ്ങനെ കിട്ടിയതാണ് റോഷാക് എന്ന ചിത്രവും.
Find out more:
click and follow Indiaherald WhatsApp channel