ప్లీనరీ అజెండా ఇదే..
వైసీపీ ప్లీనరీ రెండురోజులపాటు జరుగుతుంది. మొదటి రోజు 5 అంశాలపై చర్చిస్తారు. ఈనెల 8న ప్లీనరీ తొలిరోజు.. ఉదయం 8 గంటలకు సమావేశాలు ప్రారంభం అవుతాయి. ఉదయం 8 గంటల నుంచి 10 గంటల మధ్యలో రాష్ట్రవ్యాప్తంగా వచ్చిన సభ్యుల రిజిస్ట్రేషన్ కార్యక్రమం నిర్వహిస్తారు. సరిగ్గా ఉదయం 10 గంటల 10 నిముషాలకు పార్టీ జెండాను వైసీపీ అధ్యక్షుడి హోదాలో జగన్ ఆవిష్కరిస్తారు. ఆ తర్వాత 20 నిమిషాల సేపు సర్వమత ప్రార్థనలు జరుగుతాయి. అనంతరం వైఎస్ఆర్ విగ్రహానికి జగన్ పూలమాలలు వేసి నివాళులర్పిస్తారు.
పార్టీ అధ్యక్షుడి ఎన్నిక..
ఆ తర్వాత ఉదయం 10గంటల 55నిముషాలకు పార్టీ అధ్యక్ష ఎన్నికల ప్రకటన విడుదల చేస్తారు. సీనియర్ నేత ఉమ్మారెడ్డి వెంకటేశ్వర్లు ఈ అధ్యక్ష ఎన్నిక ప్రకటన విడుదల చేస్తారు. అందరికంటే ముందు ఉదయం 11 గంటలకు సీఎం జగన్ ప్రసంగిస్తారు. ప్రసంగం తర్వాత జమాఖర్చుల ఆడిట్ తర్వాత.. పార్టీ నియమావళి సవరణల ప్రతిపాదన, ఆమోదం ఉంటాయి. ఆ తర్వాత తీర్మానాలు మొదలు పెడతారు. మహిళా సాధికారత దిశ చట్టం మొదటి తీర్మానంగా ఉంటుందని తెలుస్తోంది. ఈ తీర్మానం ప్రవేశ పెట్టిన అనంతరం మహిళా నాయకులు.. ushashri CHARAN' target='_blank' title='ఉషశ్రీ చరణ్-గురించి లేటెస్ట్ అప్డేట్స్, ఫోటోలు, వీడియోల కొరకు వెంటనే క్లిక్ చేయండి. '>ఉషశ్రీ చరణ్, రోజా , ఎమ్మెల్సీ పోతుల సునీత, లక్ష్మీపార్వతి, జక్కంపూడి విజయలక్ష్మి ఆ తీర్మానంపై ప్రసంగిస్తారు. ఆ తర్వాత విద్యపై తీర్మానం ఉంటుంది. అనంతరం సాంస్కృతిక కార్యక్రమాలు నిర్వహిస్తారు. మధ్యాహ్నం నుంచి డైరెక్ట్ బెనిఫిట్ ట్రాన్స్‌ ఫర్‌, వైద్యం, పరిపాలన-పారదర్శకత, అనే అంశాలపై తీర్మానాలు ప్రవేశ పెడతారు. ఆ తర్వాత తొలిరోజు సమావేశం ముగుస్తుంది. రెండోరోజు ఎక్కువగా ప్రసంగాలపై దృష్టి పెట్టే అవకాశముంది.
