ఈ సీన్ చూసి మన దేశంలో చాలామందికి, ముఖ్యంగా పొలిటికల్ లీడర్స్‌కి కళ్లు బైర్లు కమ్మాయి. AIMIM ఎంపీ అసదుద్దీన్ ఒవైసీ తీవ్రంగా రియాక్ట్ అయ్యారు. "ఈ వార్త మన ప్రధానమంత్రి నరేంద్ర మోడీ చెబితే బాగుండేది, వేరే దేశం అధ్యక్షుడు చెప్పడమేంటి?" అని షాకింగ్ కామెంట్స్ చేశారు.
ఎక్స్‌లో ఓ రేంజ్‌లో పోస్ట్ పెట్టారు ఒవైసీ. "పాకిస్తాన్ టెర్రరిజానికి సపోర్ట్ ఆపనంత కాలం మనకు శాంతి అనేది కలే. కాల్పులు ఆపినా, ఆపకపోయినా, మొన్న పహల్గామ్‌లో దాడి చేసిన టెర్రరిస్టులను మాత్రం వేటాడి తీరాల్సిందే" అని కుండబద్దలు కొట్టారు. అంతేకాదు, "మన దేశానికి బయటి నుంచి ముప్పు వస్తే నేను ఎప్పుడూ మన సైన్యానికి, ప్రభుత్వానికి అండగా నిలబడ్డాను, ఇకపైనా నిలబడతాను" అంటూ భారత సైనిక దళాలకు తన పూర్తి సపోర్ట్ ప్రకటించారు ఒవైసీ.
మన ఆర్మీ జవాన్ల ధైర్యానికి, వాళ్ల స్కిల్స్‌కి థాంక్స్ చెప్పారు. ఈ గొడవల్లో ప్రాణాలు కోల్పోయిన ఆర్మీ జవాన్ ఎం. మురళీ నాయక్, అదనపు డిప్యూటీ కమిషనర్ రాజ్ కుమార్ థాపాలకు నివాళులు అర్పించారు. గాయపడిన, చనిపోయిన సామాన్యుల కోసం ప్రార్థించారు.
ఈ కాల్పుల విరమణ వల్ల సరిహద్దుల్లో ఉండే ప్రజలకు కాస్త రిలీఫ్ దొరుకుతుందని ఆశిస్తున్నా అన్నారు. కానీ, ఒక ముఖ్యమైన విషయం గుర్తుచేశారు. "మన ఐకమత్యమే మన బలం. మనం మనం కొట్టుకుంటే శత్రువులకు పండగే" అని హెచ్చరించారు. "అసలు ఈ కాల్పుల విరమణ గురించి మన ప్రధాని ఎందుకు చెప్పలేదు? 1972 సిమ్లా ఒప్పందం ప్రకారం కశ్మీర్ విషయంలో మూడో దేశం జోక్యం చేసుకోకూడదని మన పాలసీ. మరి ఇప్పుడెందుకు ఒప్పుకుంటున్నాం?" అని ప్రశ్నించారు.
చివరగా, "తటస్థ దేశంలో చర్చలకు ఎందుకు ఒప్పుకుంటున్నాం? అక్కడ ఏం చర్చిస్తారు? అసలు, పాకిస్తాన్ తన భూమిని టెర్రరిజానికి అడ్డాగా మార్చకుండా అమెరికా నిజంగా ఆపగలదా?" అంటూ సూటి ప్రశ్నలు సంధించారు. ఒవైసీ మాటల్లో ఆందోళన, దేశభక్తి రెండూ కనిపిస్తున్నాయి. మన దేశ సార్వభౌమత్వాన్ని కాపాడుకోవాలని, విదేశాంగ విధానంలో మన స్టాండ్ మీదే గట్టిగా నిలబడాలని ప్రభుత్వానికి ఆయన గట్టిగానే సూచిస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి