దేశ ప్రజాస్వామ్య వ్యవస్థపైనే ప్రశ్నార్థకం వేస్తోంది! సంచలనం సృష్టించిన మాణిక్కం ఠాగూర్ ప్రకటన! కాంగ్రెస్ పార్టీ సీనియర్ నేత, లోక్‌సభ ఎంపీ మాణిక్కం ఠాగూర్ ఎక్స్ (X/ట్విట్టర్) వేదికగా చేసిన వ్యాఖ్యలు రాజకీయ వర్గాల్లో హాట్‌టాపిక్‌గా మారాయి. ఎన్నికల ఫలితాలపై ఘాటుగా స్పందించిన ఆయన.. "ఇంతకంటే ఎక్కువ ఏమీ ఆశించలేం!" అంటూ తీవ్ర వ్యాఖ్యలు చేశారు. ఆయన ఆరోపణల ప్రకారం.. కౌంటింగ్‌కు ముందు, ఎస్‌ఐఆర్ (SIR) ప్రక్రియ పేరుతో సుమారు 65 లక్షల ఓట్లను తొలగించారు! "తొలగించిన ఆ ఓట్లలో అత్యధికం ప్రతిపక్షాల ఓట్లే" అని ఠాగూర్ బాంబు పేల్చారు. "మ్యాచ్ కంటే ముందే మ్యాచ్ ఫిక్సింగ్ కు పాల్పడితే.. ఇక ప్రజాస్వామ్యం ఎలా మనుగడ సాధించగలదు?" అంటూ ఆయన నేరుగా ఎన్నికల ప్రక్రియ పారదర్శకతపైనే సందేహాలు లేవనెత్తారు!
ఇక ప్రతిపక్ష ఓట్లను మాయం చేశారా? 65 లక్షల ఓట్లు.. అంటే చిన్న విషయం కాదు! ఇన్ని లక్షల ఓట్లను ఎన్నికల జాబితా నుంచి తొలగించడం వెనుక అధికార పార్టీల కుట్ర దాగి ఉందంటూ కాంగ్రెస్ నాయకులు మండిపడుతున్నారు. ఈ ఆరోపణలు.. ఎన్డీయే కూటమి విజయాన్ని పూర్తిగా ప్రశ్నార్థకం చేశాయి. తమ ఓటమి కేవలం ప్రజా తీర్పు కాదని, ఇది 'ఓట్ల మాయం' వల్ల జరిగిందని కాంగ్రెస్ బలంగా వాదిస్తోంది. ఈ సంచలన ఆరోపణలపై ఎన్నికల కమిషన్, అధికార కూటమి నుంచి తక్షణమే సమాధానం రావాలని ప్రతిపక్షాలు డిమాండ్ చేస్తున్నాయి. ప్రజాస్వామ్య విలువలు, ఎన్నికల పారదర్శకతపై తీవ్ర అనుమానాలు రేపుతున్న ఈ 'ఓట్ల చోరీ' ఆరోపణలు.. బిహార్ రాజకీయాలను మరింత వేడెక్కించడం ఖాయం!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి