కౌంటింగ్ ప్రారంభమైన తర్వాత మొదటి రౌండ్ నుంచే వచ్చిన ట్రెండ్లు ఎన్‌డీయేకు స్పష్టమైన ఆధిక్యాన్ని సూచించాయి. ప్రతి రౌండ్‌లోనూ ఈ ఆధిక్యం క్రమంగా పెరుగుతుండటంతో ఎన్డీయే శ్రేణుల్లో ఉత్సాహం వెల్లివిరుస్తోంది. మరోవైపు మహాఘట్బంధన్ నేతలు ఆందోళన వ్యక్తం చేస్తూ, తరువాతి రౌండ్లలో మార్పులు రావచ్చని ఆశాభావం వ్యక్తం చేస్తున్నారు. తాజా గణాంకాల ప్రకారం, బీహార్ అసెంబ్లీ 243 స్థానాల్లో ఎన్డీయే 167 స్థానాల్లో ముందంజలో ఉండగా, మహాఘట్బంధన్ 69 స్థానాల్లో ఆధిక్యం సాధిస్తోంది. ఇతరులు 6 స్థానాల్లో ముందంజలో ఉన్నారు. పార్టీ వారీగా చూస్తే:
బీజేపీ – 72
జెడీయూ – 72
ఎల్‌జేపీ – 20
హెచ్‌ఏఎం – 2
ఆర్‌ఎల్‌ఎం – 1
ఆర్జేడీ – 44
కాంగ్రెస్ – 17
వీఐపీ – 2
లెఫ్ట్ పార్టీలు – 6
జన్ సురాజ్ పార్టీ – 1
ఇతరులు – 6
ఎన్నికల ప్రచార దశలో కేంద్ర హోం మంత్రి అమిత్ షా ఇచ్చిన నినాదం—“అబ్కీ బార్ 160 పార్”—నిజమవుతున్నట్లు తాజా ఫలితాలు సూచిస్తున్నాయి. ఎన్డీయే ఇప్పటివరకు 164కి పైగా స్థానాల్లో ఆధిక్యంలో కొనసాగుతూ, స్పష్టమైన మెజారిటీ దిశగా దూసుకెళ్తోంది. మొత్తానికి, బీహార్ ఎన్నికల కౌంటింగ్‌లో ప్రస్తుతం ఎన్డీయే అంచనాలకు మించిన స్థాయిలో ముందంజలో ఉంది. కౌంటింగ్ పూర్తయ్యే వరకు ఇంకా మార్పులు వచ్చే అవకాశం ఉన్నప్పటికీ, ఇప్పటి దాకా కనిపిస్తున్న ట్రెండ్లు ఎన్డీయే విజయాన్ని మరింత పటిష్ఠంగా చేస్తున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి