జనసేన అధినేత, పవర్ స్టార్ పవన్ కళ్యాణ్ అవినీతి, అక్రమాలను అస్సలు సహించరనే విషయం అందరికీ తెలిసిందే. తన సొంత నియోజకవర్గమైన పిఠాపురంలో ఏ చిన్న తప్పు జరిగినా పవన్ కళ్యాణ్ ఉపేక్షించే ప్రసక్తే లేదు. "నా నియోజకవర్గంలో అవినీతికి తావు లేదు" అని ఆయన పలు సందర్భాల్లో గట్టిగా చెప్పారు. ఈ నేపథ్యంలో, తాజాగా పిఠాపురం మున్సిపాలిటీలో ఏకంగా ఐదుగురు ఉద్యోగులపై సస్పెన్షన్ వేటు పడటం సోషల్ మీడియా వేదికగా తీవ్ర చర్చనీయాంశంగా మారింది.
సస్పెండ్ అయిన వారిలో గతంలో పని చేసిన ముగ్గురు ఏఈలు (అసిస్టెంట్ ఇంజనీర్లు), ఇద్దరు డీఈలు (డిప్యూటీ ఎగ్జిక్యూటివ్ ఇంజనీర్లు), మరియు పబ్లిక్ హెల్త్ ఏఈ ఉన్నారు. వీరిపై వచ్చిన ప్రధాన ఆరోపణ ఏంటంటే, వీరు వైసీపీ ప్రభుత్వ హయాంలో చేపట్టిన సుమారు 55 పనులకు గాను ₹7.73 కోట్ల రూపాయలు మంజూరు చేశారు. అయితే, ఈ పనుల నిర్మాణంలో నాణ్యత లోపించడంతో పాటు, పనులు చేయకుండానే కాంట్రాక్టర్లకు బిల్లులు చెల్లించారనే తీవ్రమైన ఫిర్యాదులు వచ్చాయి.
ఈ ఆరోపణలపై ప్రభుత్వం విజిలెన్స్ విచారణ నిర్వహించింది. విజిలెన్స్ విచారణలో అధికారులు నిధుల దుర్వినియోగానికి పాల్పడినట్లు తేలడంతో, ప్రభుత్వం తక్షణం స్పందించి ఈ ఐదుగురు ఉద్యోగులపై సస్పెన్షన్ వేటు వేసింది. జనసేనాని నియోజకవర్గంలోనే అవినీతిపై ఇంతటి కఠిన చర్యలు తీసుకోవడం, అందులోనూ ఎన్నికైన వెంటనే ఇలాంటి ఘటన బయటపడటం పవన్ కళ్యాణ్ వైఖరికి నిదర్శనంగా నిలుస్తోందని రాజకీయ వర్గాలు భావిస్తున్నాయి. ఈ సంఘటన సోషల్ మీడియాలో సంచలనం సృష్టిస్తూ, హాట్ టాపిక్‌గా మారింది. ఈ చర్య ద్వారా, పవన్ కళ్యాణ్ అవినీతి విషయంలో ఏ మాత్రం రాజీపడరని, తన నియోజకవర్గంలో సుపరిపాలనకు కట్టుబడి ఉన్నారని స్పష్టమవుతోంది.
పవన్ కళ్యాణ్ తీసుకున్న ఈ నిర్ణయంపై నెటిజన్ల నుంచి ప్రశంసలు వ్యక్తమవుతున్నాయి. పవన్ ను అభిమానించే అభిమానుల సంఖ్య ఊహించని స్థాయిలో పెరుగుతోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి