అయితే ఐపీఎల్ హిస్టరీలో ఎంతోమంది ప్లేయర్లు ఉండగా.. ఇక అత్యుత్తమ బౌలర్ల జాబితా గురించి మాట్లాడుకుంటే మాత్రం కగిసో రబడా పేరు తప్పక వినిపిస్తూ ఉంటుంది. ఎందుకంటే ప్రతి ఐపీఎల్ సీజన్లో కూడా అతను అత్యుత్తమమైన ప్రదర్శన చేస్తూ ఉంటాడు. ఏ జట్టులో కొనసాగినా కూడా సూపర్ బౌలింగ్ తో ప్రదర్శన చేస్తూ అదరగొడుతూ ఉంటాడు అని చెప్పాలి. ఈ క్రమంలోనే ఐపీఎల్ హిస్టరీలో ఇటీవల కగిసో రబడా ఒక అరుదైన రికార్డును సృష్టించాడు అని చెప్పాలి. 2023 ఐపీఎల్ సీజన్లో తాను ఆడుతున్న మొదటి మ్యాచ్ లోనే ఒక అరుదైన రికార్డును ఖాతాలో వేసుకున్నాడు.
ఈ ఐపీఎల్ సీజన్లో కగిసో రబడా పంజాబ్ కింగ్స్ జట్టు తరఫున ప్రాతినిధ్యం వహిస్తున్నాడు అన్న విషయం తెలిసిందే. ఇకపోతే ఇటీవలే పంజాబ్ కింగ్స్, గుజరాత్ టైటాన్స్ మధ్య జరిగిన మ్యాచ్లో భాగంగా ఈ ఏడాది ఐపీఎల్ లో తొలి మ్యాచ్ ఆడాడు కగిసో రబడా. ఈ క్రమంలోనే ఈ మ్యాచ్ లో తొలి వికెట్ తీసిన రబాడ అత్యంత వేగంగా 100 వికెట్లు తీసిన బౌలర్గా నిలిచాడు అని చెప్పాలి. ఇక కగిసో రబడా కేవలం 64 మ్యాచుల్లోనే ఈ ఘనత సాధించాడు అని చెప్పాలి. తర్వాత మలింగ 70 మ్యాచ్లలో, భువనేశ్వర్ కుమార్ 84 మ్యాచ్లలో, హర్షల్ పటేల్ 81 మ్యాచ్లు, రషీద్ ఖాన్ 83 మ్యాచ్లు, అమిత్ మీశ్రా 83, ఆశిష్ నెహ్ర 83, చాహల్ 84 మ్యాచ్ లలో ఈ ఘనత సాధించారు అని చెప్పాలి.
