దీంతో హోం గ్రౌండ్లో మ్యాచ్ ఆడుతున్న జట్టు అభిమానుల కంటే చెన్నై సూపర్ కింగ్స్ అభిమానులే స్టేడియంలో ఎక్కువగా కనిపిస్తూ ఉండడం కూడా చూస్తూ ఉన్నాం. ధోని చివర్లో వచ్చి ఒకటి రెండు బంతులు ఆడి సిక్సర్లు కొట్టిన చాలు అనేంతలా ధోని బ్యాటింగ్ చూడటం కోసం పరితపించిపోతున్నారు అభిమానులు. కానీ కొన్ని కొన్ని మ్యాచ్లలో ధోని బ్యాటింగ్ చూసేందుకు అభిమానులకు ఛాన్సే రావడం లేదు అన్న విషయం తెలిసిందే. ఇకపోతే ఇటీవలే ఢిల్లీలోని అరుణ్ జెట్లీ స్టేడియంలో ఢిల్లీ క్యాపిటల్స్ జట్టుతో జరిగిన మ్యాచ్లో కూడా ధోని చివరి ఓవర్ లో బ్యాటింగ్ చేయడానికి వచ్చాడు.
అయితే ఇక ఆరు బంతులను కూడా స్ట్రైక్ తనకే ఉంచుకొని సిక్సర్లు కొడతాడని అనుకున్నప్పటికీ.. మొదటి బంతి సింగిల్ తీశాడు. దీంతో జడేజా స్ట్రైక్ లోకి వచ్చాడు. ఆ తర్వాత వరుసగా రెండు ఫోర్లు కొట్టాడు జడేజా. దీంతో ధోనీకి స్ట్రైక్ ఇవ్వాలంటూ స్టేడియం లో ఉన్న ప్రేక్షకులు అందరూ కూడా గట్టిగా అరవడం మొదలుపెట్టారు. సింగిల్ సింగిల్ అంటూ గట్టిగా అరిచారు. ఇక ధోని ఫ్యాన్స్ కోరికను అర్థం చేసుకొని వెంటనే సింగిల్ తీసి ధోనీకి స్ట్రైక్ ఇచ్చాడు జడేజా. దీంతో జడేజా చేసిన పనికి ధోని ఫ్యాన్స్ ఫిదా అయ్యారు. అయితే ఆ తర్వాత ధోని రెండు బంతుల్లో సిక్సర్లు కొట్టడానికి ప్రయత్నించినప్పటికీ అవి కుదరలేదు. దీంతో సింగిల్స్ తోనే సరిపెట్టుకున్నాడు ధోని.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి