అదే సమయంలో ఇక భారత టెస్టు జట్టులో మరో కీలక ఆటగాడు అయినా శ్రేయస్ అయ్యర్ సైతం ప్రస్తుతం వెన్నునొప్పి గాయం కారణంగా జట్టుకు దూరమయ్యాడు. జాతీయ క్రికెట్ అకాడమీలో చికిత్స తీసుకుంటున్నాడు. టెస్టు సిరీస్ ప్రారంభ సమయానికి ఫిట్నెస్ సాధిస్తాడా లేదా అన్నది అనుమానంగానే మారింది. అయితే ఇక రవీంద్ర జడేజా మోకాలి శస్త్ర చికిత్స గాయం నుంచి కోలుకొని మళ్ళీ ఫిట్నెస్ సాధించాడు. ఇక అతను ఆస్ట్రేలియా తో సిరీస్ లో ఆడేందుకు జాతీయ క్రికెట్ అకాడమీ ఇటీవల అనుమతించింది. దీంతో అభిమానులు సంతోషం వ్యక్తం చేశారు.
అయితే రవీంద్ర జడేజా అందుబాటులోకి రావడం పై మాజీ ఆటగాడు ఆకాష్ చోప్రా స్పందించాడు. జడేజా అందుబాటులోకి వచ్చేసాడు. అతను ఇటీవల రంజి ట్రోఫీ మ్యాచ్లో కూడా చాలా వికెట్లు పడగొట్టాడు. ఇప్పటికే భారత శిబిరంలో భాగమయ్యాడు. అయితే జడేజా అలాంటి ప్లేయర్ ఫీట్ గా ఉండడం టీమిండియా కు ఎంతో ముఖ్యం. ఎందుకంటే రిషబ్ పంత్ అందుబాటులో లేడు. శ్రేయస్ అయ్యర్ ఆడేది అనుమానమే. సూర్య కుమార్ తుదిజట్టులోకి వచ్చే ఛాన్స్ వచ్చిన ఎలా రాణిస్తాడో తెలియదు. హనుమ విహారి కూడా జట్టులో లేడు. ఇలాంటి సమయంలో జడ్డు ఇక భారత జట్టులో లేకపోతే బ్యాటింగ్ విభాగం ఎంతో బలహీనంగా మారుతుంది అంటూ ఆకాశ చోప్రా అభిప్రాయపడ్డాడు.
