అయితే ఇక పాకిస్తాన్ ఇండియా జట్ల మధ్య ఉన్న క్రికెట్ నిషేధాన్ని ఎత్తివేసి మళ్లీ సంబంధాలను పునరుద్ధరించాలి అంటూ ఎన్నో రోజుల నుంచి పాకిస్తాన్ మాజీ క్రికెటర్లు ఇక బీసీసీఐ విజ్ఞప్తి చేస్తున్నప్పటికీ.. అది కుదరడం లేదు. అయితే గత ఏడాది ఇండియా వేదికగా జరిగిన వన్డే వరల్డ్ కప్ టోర్నిలో ఆడటానికి పాక్ ఎన్నో ఏళ్ల తర్వాత భారత గడ్డపై అడుగు పెట్టింది. అయితే అటు బీసీసీఐ మాత్రం భారత జట్టును పాకిస్తాన్ కు పంపించే ప్రసక్తి లేదు అంటూ తేల్చి చెబుతుంది. ఈ క్రమంలోనే గతంలో పాకిస్తాన్ వేదికగా జరిగిన ఆసియాకప్ లో పాల్గొనేది లేదు అని తేల్చి చెప్పగా.. చివరికి ఆసియా క్రికెట్ కౌన్సిల్ కల్పించుకుని భారత జట్టు ఆడబోయే మ్యాచ్లను శ్రీలంక వేదికగా నిర్వహించింది అన్న విషయం తెలిసిందే.
అయితే ఇక ఇప్పుడు 2025లో ఛాంపియన్స్ ట్రోఫీ జరగబోతుంది. ఈ క్రమంలోనే ఇప్పటికే ఛాంపియన్స్ ట్రోఫీలో తాము పాకిస్తాన్లో నిర్వహిస్తే తప్పుకుంటాము అంటూ బిసిసిఐ స్పష్టం చేసింది. కానీ అటు మా దేశానికి రండి అంటూ పాకిస్తాన్ క్రికెట్ బోర్డు మాత్రం వెంట పడుతూనే ఉంటుంది. చాంపియన్స్ ట్రోఫీ 2025లో టీమిండియా తమ మ్యాచ్ లు అన్నింటినీ కూడా లాహోర్లో ఆడొచ్చు అంటూ పాకిస్తాన్ క్రికెట్ బోర్డు ప్రతిపాదించింది. భద్రతాపరంగా గడాఫీ స్టేడియం సురక్షితమైంది అంటూ తెలిపింది. అలాగే భారత్ నుంచి వాగా బోర్డర్ మీదుగా వచ్చే ప్రేక్షకులు కూడా లాహోర్ అందుబాటులో ఉంటుందని పేర్కొంది. అయితే చాంపియన్స్ ట్రోఫీ కోసం పాకిస్తాన్ వచ్చే ప్రసిద్ధి లేదని బిసిసిఐ ఎంతలా చెప్పిన.. పిసిబి మాత్రం ఏదో ఒక విధంగా భారత జట్టును రిక్వెస్ట్ చేస్తూనే ఉంది అని చెప్పాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి