బుల్లితెర రియాలిటీ షో బిగ్ బాస్ సీజన్ 4 ఏడవ వారం చివరి దశకు చేరుకుంది. ఇక  బిగ్ బాస్ బ్లాక్‌బస్టర్ అని ఒక సినిమా తీసే టాస్క్‌ను ఇంటి సభ్యులకు బిగ్ బాస్ ఇచ్చారు. ఆ హైలైట్స్ విశేషాలు...

బిగ్ బాస్... బ్లాక్ బస్టర్ టాస్క్:

బిగ్ బాస్ ఇచ్చిన ఈ టాస్క్ ప్రకారం ఇంటి సభ్యులందరూ కలిసి బిగ్ బాస్ ఇంట్లో ఒక సినిమాను తీయాలి. ఈ సినిమా కోసం బిగ్ బాస్ కొన్ని పాత్రలు కేటాయించారు. డైరెక్టర్ - అభిజీత్, అసిస్టెంట్ డైరెక్టర్ - దివి, స్క్రిప్ట్ రైటర్ - అవినాష్, డీఓపీ - నోయల్, కొరియోగ్రాఫర్ - అమ్మ రాజశేఖర్, మేకప్ & స్టైలిష్ట్ - లాస్య, ఐటమ్ సాంగ్ డాన్సర్స్ - హారిక, సోహెల్. ఈ టాస్క్‌లో ఇంటి సభ్యులు అందరూ వాళ్లకు ఇచ్చిన పాత్రలకు తగ్గట్టుగా నటించాలి. అవినాష్ స్క్రిప్ట్ రైటింగ్‌తోపాటు యాక్టింగ్ కూడా చేయొచ్చు. స్క్రిప్ట్ రైటర్ స్క్రిప్ట్ ఇచ్చిన తరవాత డైరెక్టర్‌తో కలిసి వారి పాత్రలకు అనుగుణంగా సభ్యులను ఎంపిక చేసుకోవాలి. వీళ్లు తీయబోయే సినిమాలో అన్ని ఎమోషన్స్ ఉండాలని బిగ్ బాస్ కండిషన్ పెట్టారు. అలాగే.. సినిమాలో బిగినింగ్, మిడిల్, మంచి క్లైమాక్స్ ఉండేలా చూసుకోవాలి. ఈ షూటింగ్‌కు అవసరమైన పరికరాలన్నింటినీ గార్డెన్ ఏరియాలో పెట్టారు. ఇక ఇక్కడి నుంచీ అందరూ ఎవరి పనిలో వారు పడ్డారు.

అభిజీత్, దివి, అవినాష్, నోయల్ కలిసి డిస్కషన్ పెట్టినప్పుడు అక్కడికి అమ్మ రాజశేఖర్ వెళ్లారు. ఆ సమయంలో ఐటమ్ సాంగ్ గురించి చర్చ జరిగింది. సాంగ్‌కు కావాల్సిన లొకేషన్ బిగ్ బాస్ ఇస్తారని అభిజీత్ చెప్పారు. అయితే, కొరియోగ్రాఫర్‌ని నాకు నచ్చినట్టు చేసుకుంటానని.. వాళ్లు ఎవరు ఇవ్వడానికి అని రాజశేఖర్ అన్నారు. కానీ, లొకేషన్ వాళ్లే ఇస్తారని నిబంధనల్లో రాసుందని దివి రాజశేఖర్‌కు అర్థమయ్యేలా చెప్పారు. ఈ సమయంలోనే రాజశేఖర్, అభిజీత్ ల మధ్య విబేధాలు బయటపడ్డాయి. సాంగ్ చేసేటప్పుడు డాన్సర్స్, డీఓపీ మాత్రమే కొరియోగ్రాఫర్‌తో ఉండాలని.. డైరెక్టర్ రావడానికి వీల్లేదని నిబంధనల్లో ఉన్నట్టు అమ్మ రాజశేఖర్ గుర్తుచేశారు. గార్డెన్ ఏరియాలో ఉంచిన రిక్షా కూడా సాంగ్‌కు అవసరం లేదని, సీన్‌కు వాడుకోమని రాజశేఖర్ చెప్పేశారు. బిగ్ బాస్ సెట్ ఇస్తే గనుక సీన్స్ కోసం రిక్షా వాడుకోమని రాజశేఖర్ అన్నారు. ఈ సమయంలో అర్థం లేకుండా ‘‘ఇప్పుడేంటి డైరెక్టర్ రావద్దు అంటున్నారు అంతేగా’’ అని అభిజీత్ యాటిట్యూడ్ చూపించారు. నేననడం కాదు నిబంధనల్లో ఉంది అని రాజశేఖర్ అన్నారు. ‘‘ఆ ఉంది.. నాకు తెలుసు’’ అని అభిజీత్ సమాధానం ఇచ్చారు. దీంతో రాజశేఖర్‌కు కోపం వచ్చింది. ‘‘ఏం మాట్లాడుతున్నావ్. నేను ఒకటి అడుగుతుంటే నువ్వు వేరేలా మాట్లాడుతున్నావ్. ఉదయం నుంచీ చూస్తూనే ఉన్నా.. ఓవర్ సీన్ చూపిస్తున్నావ్ నువ్వు’’ అంటూ రాజశేఖర్ ఫైర్ అయ్యారు. దీంతో వారిద్దరి మధ్య కాసేపు వాదన జరిగింది.ఇక ఆ తర్వాత నుంచి సినిమా చేయడం కోసం డిస్కషన్లు.. ఒకరి అభిప్రాయాలు ఇంకొకరికి నచ్చకపోవడం.. చిరాకులు, పరాకులు ఇలా సాగుతూ వెళ్లింది ఈ టాస్క్. అయితే, ఇలాంటి సమయంలో ఐటమ్ డాన్సర్స్ హారిక, సోహెల్ కాస్త ఉపసమనాన్ని అందించారు. ‘కెవ్వు కేక’ సాంగ్‌కి వీరిద్దరితో కొరియోగ్రాఫర్ అమ్మ రాజశేఖర్ రిహార్సల్స్ చేయించారు. హారిక కాస్త కన్‌ఫ్యూజ్ అయినా మంచి మాస్ స్టెప్పులతో దుమ్ము దులిపింది. ఆమెకు సోహెల్ నుంచి మంచి కోపరేషన్ లభించింది. మొత్తం మీద కిందా మీదా పడి బిగ్ బాస్ బ్లాస్ బస్టర్ సినిమాను ఇంటి సభ్యులు పూర్తిచేసేశారు ఇంటి సభ్యులు.

మరింత సమాచారం తెలుసుకోండి: