తెలుగు చలన చిత్ర పరిశ్రమలో సింగర్ గా తనకంటూ ప్రత్యేకమైన గుర్తింపును సొంతం చేసుకున్న సింగర్ సునీత గురించి ప్రత్యేకంగా పరిచయం అవసరం లేదు. తన అద్భుతమైన పాటలతో ఎంతోమంది శ్రోతలను అలరించిన ఈ ముద్దుగుమ్మ అంతకుమించి పాపులారిటీ దక్కించుకుంది. ముఖ్యంగా డబ్బింగ్ ఆర్టిస్టుగా కూడా ఎంతోమంది హీరోయిన్లకు పనిచేసిన సింగర్ సునీత.. రాంగోపాల్ వర్మ లాంటి క్రియేటివ్ డైరెక్టర్లు కూడా హీరోయిన్గా అవకాశాలు ఇచ్చినా సరే కాదనుకుంది అంటే ఇక నటనపై ఆమెకున్న ఆసక్తి ఏంటో అర్థం చేసుకోవచ్చు. నటన మీద ఆసక్తి లేదు కాబట్టి వెండితెరకు పరిచయం కాకుండా తెర వెనకాలే ఉంటూ తనను తాను మరింత పాపులారిటీ చేసుకుంది.

ఇదిలా ఉండగా ఇటీవల సింగర్ సునీత మ్యాంగో వీడియో అధినేత రామ్ వీరపనేనిని రెండో వివాహం చేసుకున్న విషయం తెలిసిందే. దీంతో ఈమె కాస్త వైరల్ అయింది అంతేకాదు ఆమెకు సంబంధించిన ఎన్నో విషయాలు మరింత వైరల్ గా మారాయి. పిల్లలు పెళ్లీడుకొచ్చిన తర్వాత ఈమె పెళ్లి చేసుకోవడం ఏంటో అంటూ కొంతమంది కామెంట్లు చేస్తే.. బామ్మ అయ్యే వయసులో అమ్మ అవుతుంది అంటూ మరికొంతమంది కామెంట్లు చేశారు .అయినా అవేవీ పట్టించుకోకుండా ముందుకు వెళ్తోంది సింగర్  సునీత. ఇదిలా ఉండగా ఈ క్రమంలోనే తన మొదటి భర్త గురించి కూడా పలు వార్తలు మరింత వైరల్ అవుతున్నాయి.

సినీ ఇండస్ట్రీకి చెందిన కిరణ్ అనే వ్యక్తితో 17 సంవత్సరాల వయసులోనే ప్రేమలో పడిన సింగర్ సునీత కుటుంబాన్ని ఎదిరించి తన 19 సంవత్సరాల ప్రాయంలో అతడిని వివాహం చేసుకుంది.అయితే కొన్ని రోజుల తర్వాత కిరణ్ కూడా తన సామాజిక వర్గానికి చెందిన వారే కావడంతో కుటుంబ పెద్దలు ఒప్పుకున్నారు. ఆ తర్వాత ఇద్దరి మధ్య మనస్పర్ధలు రావడం.. అవి పెద్దగా మారడంతో కొడుకు, కూతురు జన్మించిన తర్వాత విడాకులు తీసుకొని కిరణ్ నుంచి వేరుపడింది సునీత.

మరింత సమాచారం తెలుసుకోండి: