నగరంలో సగటు జీవి బ్రతుకు సగమే అనిపిస్తుంది.. ఎందుకంటే ఎక్కువగా వాహన ప్రమాదాలు ఇక్కడే చోటు చేసుకుంటున్నాయి కాబట్టి.. ఇంట్లో నుండి బయటకు వెళ్ళిన వారు తిరిగి క్షేమంగా ఇళ్లు చేరుకుంటారనే నమ్మకం అసలేదు.. అదెలా అంటే ఈ హైదరాబాదు, హైఫై బాదలను రుచి చూపిస్తుంది.. మృత్యువు అన్ని దార్లో నుండి ముంచుకొస్తుంది.. ఇక మనం చూడబోయే వీడియోలో ఒక ట్రాక్టర్ భయంకరమైన భీభత్సాన్ని సృష్టించింది.. అదృష్టవశాత్తు ఆ కాలనీలో జనంలేరు కాబట్టి ప్రాణనష్టం జరుగలేదు కానీ ఒకవేళ ఎవరైనా ఉంటే మాత్రం వారి ప్రాణాలు గాల్లో కలిసేవి.. ఈ దారుణ ఘటన తాలూకు వివరాలు తెలుసుకుంటే..

 

 

హైదరాబాద్ చైతన్యపురి పరిధిలోని గణేష్‌పురి కాలనీలో ఓ ట్రాక్టర్ బీభత్సం సృష్టించింది. కాలనీలోని  రోడ్డు మీదుగా వెళ్తున్న ట్రాక్టర్ అదుపుతప్పి పక్కనే నిలిపి ఉంచిన వాహనాలపైకి దూసుకెళ్లింది. ఇక అనుకోకుండా జరిగిన ఈ ప్రమాదంలో ద్విచక్ర వాహనాలు, కార్లు, ధ్వంసమైనప్పటికీ ఎలాంటి ప్రాణ నష్టం మాత్రం జరగకపోవడంతో కాలనీ వాసులు ఊపిరి పీల్చుకున్నారు. అయితే ట్రాక్టర్ అదుపుతప్పి అక్కడున్న వాహనాలను ఢీకొడుతూ వస్తున్న సమయంలో ఓ చిన్న పిల్లాడు రోడ్డుపైకి వచ్చి వేగంగా విధ్వంసాన్ని సృష్టించుకుంటు వస్తున్న ట్రాక్టర్‌ను చూసి భయంతో ఇంటిలోపలికి పరిగెత్తడంతో ఆ బాలుడు బ్రతికిపోయాడు.. లేదంటే ఆ ట్రాక్టర్ కింద నలిగిపోయే వాడు..

 

 

నిజానికి ఆ బుడతడు పిల్లవాడైనా చురుగ్గా స్పందించాడు.. ఇకపోతే భవన నిర్మాణ వ్యర్థాలతో వెళ్తున్న ఆ ట్రాక్టర్ డ్రైవర్ కి ఏమయిందో ఏమో కానీ రోడ్డుపై నిలిపి ఉన్న కారు, బైక్‌ను ఢీకొట్టగా ఆ కుదుపులకు అమాంతం ఎగిరి రోడ్డు పక్కనున్న ఇంటి సమీపంలో పడ్డాడు. మరో వ్యక్తి ట్రాక్టర్‌పైనే ప్రాణాలు అరచేతిలో పెట్టుకుని ఉండిపోయాడు. ఇలా కొంతదూరం వరకు దూసుకెళ్లిన ట్రాక్టర్‌… సమీపంలోని మరో కారుకు తట్టుకొని నిలిచిపోవడంతో పెను ప్రమాదం తప్పింది. ఈ ప్రమాదంలో డ్రైవర్‌ గాయపడగా.. 2 కార్లు, 5 బైకులు ధ్వంసమయ్యాయట.

 

 

ఇక డ్రైవర్‌కు ఫిట్స్‌ రావడం వల్లే ప్రమాదం జరిగినట్టుగా సమాచారం. అక్కడి స్దానికులు ఈ విషయాన్ని పోలీసులకు చెప్పగా, వెంటనే సంఘటన స్థలానికి చేరుకుని కేసు నమోదు చేసుకుని, దర్మాప్తు ప్రారంభించారు.. ఇక అక్కడి సీసీ కెమెరాలో రికార్డ్ అయినా ఈ సంఘటన తాలూకు దృష్యాలు చూస్తేనే ఒంట్లో భయం పుడుతుంది.. ఆ సమయంలో ఆ కాలనీవైపు రాని వారంత అదృష్టవంతులని చెప్పవచ్చూ.. ఒక వేళ ఎవరైన బయట ఉండి ఉంటే ఊహించుకోవడానికే కష్టంగా ఉంది.. అందుకే బయటకు వెళ్ళినప్పుడు ఎన్నో జాగ్రత్తలు పాటిస్తే గాని తిరిగి ఇంటికి చేరుకోలేము.. అది ఈనాటి నగర ప్రజల దుస్దితి..