చాలా సందర్భాల్లో ఆటిట్యూడ్ మన జీవితం యొక్క దశ, దిశను ప్రభావితం చేస్తుంది. ఎవరైతే పాజిటివ్ ఆటిట్యూడ్ కలిగి ఉంటారో వారికి మంచి భవిష్యత్ సొంతమవుతుంది. పాజిటివ్ ఆటిట్యూడ్ ఉన్నవారు సులభంగా సక్సెస్ సొంతం చేసుకోగలరు. కొందరు ఈ ప్రపంచాన్ని పాజిటివ్ ఆటిట్యూడ్ తో చూస్తే మరికొందరు నెగిటివ్ ఆటిట్యూడ్ తో చూస్తారు. పాజిటివ్ ఆటిట్యూడ్ కలిగి ఉన్నవారు అసాధ్యమైన పనిని కూడా సుసాధ్యం చేసుకోగలరు.
నెగిటివ్ ఆటిట్యూడ్ ఉన్నవారు సులభమైన వాటిని కూడా వారికి ఉన్న అనవసర భయాలతో సాధించలేకపోతూ ఉంటారు. మనం చేసే ఏ పనినైనా పాజిటివ్ ఆటిట్యూడ్ తో మొదలుపెడితే పనిలో ఇబ్బందులు, ఆటంకాలు ఎదురైనా వాటిని అధిగమించి విజయాన్ని సొంతం చేసుకోగలుగుతాం. పాజిటివ్ ఆటిట్యూడ్ ఉన్నవారు సమస్యలోనే పరిష్కారాన్ని కూడా వెతుక్కుంటారు.
మన ఎదుగుదల కానీ పతనం కానీ మన ఆలోచనలపైనే ఆధారపడి ఉంటాయి. మన ఆలోచనలను సక్రమమైన దారిలో పెట్టాలంటే పాజిటివ్ ఆటిట్యూడ్ ను అలవరచుకోవాలి. దానికోసం మనల్ని మనం విజయవంతమైన వ్యక్తిగా ఊహించుకోవాలి. అలా ఊహించుకుంటే సులభంగా సక్సెస్ సొంతమవుతుంది. లక్ష్యాన్ని సాధించాలంటే కొన్నిసార్లు రిస్క్ చేయాలి. రిస్క్ చేస్తే మాత్రమే అనుకున్న ఫలితాలు సొంతమవుతాయి.
అదే నెగిటివ్ ఆలోచనలతో జీవిస్తే ఆ భయం వల్ల సులువైన లక్ష్యాలను సైతం సాధించలేక ఫెయిల్ అవుతాం. కొన్నిసార్లు సక్సెస్ కోసం ప్రయత్నించే సమయంలో చిన్న చిన్న సమస్యలు, ఆటంకాలు ఎదురవుతాయి. అలాంటి సమయంలో ఒక్కో అడుగు ముందుకు వేస్తూ విజయం కోసం ప్రయత్నం చేస్తే తప్పనిసరిగా సక్సెస్ సొంతమవుతుంది. మనపై మనకు ఉండే నమ్మకమే మనల్ని విజయతీరాలకు చేరుస్తుంది. లక్ష్యాన్ని ఎంచుకుని... లక్ష్య సాధన దిశగా శ్రమిస్తూ పాజిటివ్ దృక్పధాన్ని అలవరచుకుంటే విజయం సులభంగా సొంతమవుతుంది. నెగిటివ్ ఆటిట్యూడ్ వీడితే ఎలాంటి పనిలోనైనా పై చేయి సాధించే అవకాశం ఉంటుంది.
