అంతా మనుషలమే అయినంత మాత్రాన ప్రతి ఒక్కరి ఆలోచనలు ఒకేలా ఉండాలని లేదు. అలాగే ఉండవు కూడా. ఎవరి జీవన శైలిని బట్టి, పరిస్థితుల ప్రభావాన్ని బట్టి వారి వారి ఆలోచనలు ఉంటాయి. సందర్భాన్ని బట్టి వారి అభిప్రాయాలను వ్యక్తం చేస్తుంటారు. అయితే మన అభిప్రాయాలతో కొందరు ఏకీభవిస్తారు మరికొందరు వ్యతిరేకిస్తారు. మరి కొందరు మనకేంటి అనుకుని మౌనంగా ఉండి పోతారు. అయితే ఇక్కడ ఏ ఒక్కరి కోసం మనం మన నిర్ణయాన్ని కానీ అభిప్రాయాన్ని కానీ మార్చుకోవాల్సిన పని లేదు అవసరం అంతకన్నా లేదు. ఎందుకంటే ఆ అభిప్రాయం మనది అంటే మనకు నచ్చినది. కాబట్టి ఎవరి కోసమో మన ఇష్టాన్ని మార్చుకోనక్కర్లేదు.

అలా ఇతరుల కోసం మన ఆనందాన్ని దూరం చేసుకోవాల్సిన పని లేదు. అదే విధంగా మనం ఎంత మంచిగా ఉన్న ఎవరో ఒకరి జీవితంలో చెడ్డ వారిమే. ఎన్ని మంచి పనులు చేసినా అవి వారికి నచ్చకపోతే అవన్నీ వారి దృష్టిలో చెడ్డ పనులే.. కావున ఇతరులకు నచ్చినట్లుగా బ్రతకడం కన్నా మనకు నచ్చినట్టుగా మనం బ్రతకడం మంచిది. అదే మనకు సంతోషాన్ని ఇస్తుంది.  అయితే ఇక్కడ మనం ఎప్పుడూ గుర్తుంచుకోవలసిన విషయం ఏమిటంటే, మనం ఒక సమాజంలో బ్రతుకుతున్నాం కాబట్టి సమాజానికంటూ కొన్ని నైతిక విలువలు ఉన్నాయి. వాటికి భంగం కలిగించకుండా మన జీవన విధానం, మన ఆలోచనలు ఉండేలా చూసుకోవాలి.

అలాగే మన తల్లితండ్రులు, మన మంచి కోరుకునే సన్నిహితుల సలహాలను తీసుకోవాలి. ఒకవేళ వాటికి మీరు కన్విన్స్ కాకపోతే సున్నితంగా తిరస్కరిస్తూ నచ్చ చెప్పాలి. ఇక మరో విషయం ఏమిటంటే మన ప్రతి అభిప్రాయం, నిర్ణయం మనకు ఉపయోగపడేలా ఉండాలి...మంచి చేయగలగాలి. ఇలా ప్రతి విషయంలో మనకు సంబంధించిన దానిని మనమే నిర్ణయించుకోవాలి. మరియు తిఆరుల కోసం మన అభిప్రాయాలను మార్చుకోకూడదు. మనకు నచ్చింది చేస్తే అందులో గెలుపయినా ఓటమై అయినా మనమే సంతోషంగా స్వీకరించగలము. లేదా వేరో వారి ఆలోచనను మనము ఆచరించి అందులో ఫెయిల్ అయితే ఆ బాధను వర్ణించడం కష్టం . కాబట్టి మీ భావాలకు ఎక్కువ విలువ ఇవ్వండి.

మరింత సమాచారం తెలుసుకోండి:

VIJAYAM MEEDHE

VAMSI

07/08/2021 09:00 PM