బీజేపీలో అన్నీ తానై నడిపిస్తున్న ప్రధాని మోదీ తర్వాత ఆయన రాజకీయ వారసత్వాన్ని  కొనసాగించేది ఎవరు? బెయిల్ పై ఇటీవల విడుదల అయిన ఆప్ జాతీయ కన్వీనర్ , దిల్లీ సీఎం కేజ్రీవాల్ లేవనెత్తిన ఈ ప్రశ్న దేశ రాజకీయాల్లో ప్రస్తుతం తీవ్ర చర్చనీయాంశం అవుతుంది. అయితే ప్రధాని మోదీపై అసంతృప్తి పెరుగుతుందని.. దీంతో మోదీ వారసుడు ఎవరు అనే దానిపై బీజేపీలోను చర్చ మొదలైందని బ్రిటీష్ వీక్లీ మ్యాగజైన్ ది ఎకనమిస్ట్ ఓ ప్రత్యేక కథనంలో పేర్కొంది.


మోదీ వల్ల బీజేపీ నష్టమే అని పేర్కొన్న వార్తా పత్రిక దానికి గల కారణాలను విశ్లేషించింది. అలాగే మోదీకి వారసుడిగా ఎవరు అర్హులో కూడా చర్చించింది. అయితే ఫలానా అని ఆ మేగజైన్‌ ఎవరినీ తేల్చలేదు. దిల్లీ లిక్కర్ కుంభకోణంలో బెయిల్ పై విడుదల అయిన అరవింత్ కేజ్రీవాల్ వస్తూ వస్తూనే ఆసక్తికర చర్చకు తెరలేపారు. బీజేపీలో 75 ఏళ్లు నిండిన వారిని సాగనంపే సంప్రదాయం ఉందని ఈ కారణం చేతనే.. మురళీ మనోహర్ జోషి, ఎల్ కే ఆడ్వాణీ, వెంకయ్య నాయుడు, సుమిత్రా మహజన్ లను పక్కన పెట్టారని ఆయన పేర్కొన్నారు.

మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Chakravarthi Kalyan

18/05/2024 07:42 AM