ఆస్పత్రిలో మృత్యువుతో పోరాడి చివరికి అలసిపోయి కన్నుమూసింది ఆ మూడేళ్ల చిన్నారి. ఈ విషాదకర ఘటన నెల్లూరు జిల్లా ఆత్మకూరు వీరా రెడ్డి పల్లి లో వెలుగులోకి వచ్చింది. వేణుగోపాల్, యామిని దంపతులకు ఇద్దరు పిల్లలు ఉన్నారు. అయితే ఇటీవలే యామిని అనుమసముద్రంపేట మండలం లోని పుట్టింటికి వెళ్ళింది. అదేసమయంలో అత్తగారి ఇంటికి వెళ్లిన వేణుగోపాల్ తన ఇద్దరు కుమార్తెలు వెంటబెట్టుకుని సొంతూరు తీసుకువచ్చాడు. ఈ క్రమంలోనే వింత చేష్టలు చేశాడు. పిల్లలు ఇంటికి తీసుకు వచ్చిన తర్వాత కర్పూరం తో దిష్టి తీయించాడు . ఇక ముఖంపై పెద్ద బొట్టు పెట్టాడు. ఆ తర్వాత వింత పూజలు చేయడం మొదలు పెట్టాడు.
ఈ క్రమంలోనే ఒక కూతురు పూర్విక ను గది బయటకు పంపించేశాడు. ఇక పునర్వికను గదిలోనే ఉంచి.. ఆమె నోట్లో కుంకుమ కొట్టాడు. అయితే అతని చేష్టలను దగ్గరుండి చూస్తున్న తల్లి అతడిని ఆపేందుకు ప్రయత్నించ లేదు. ఒక రెండు గంటల పాటు ఈ తంతు కొనసాగింది అనే చెప్పాలి. తర్వాత పూర్వికను వెంటబెట్టుకొని దొరసానమ్మ వీధిలోకి వచ్చింది. స్థానికులు నిలదీయడంతో పూజి తంతు జరుగుతుంది అంటూ వివరించింది. దీంతో వెంటనే ఇంటి తలుపులు తీయించారు స్థానికులు. అప్పటికే అపస్మారక స్థితిలోకి వెళ్లి పోయింది చిన్నారి. ఇక బాలిక తల్లి యామిని వెంటనే పుట్టింటికి వచ్చింది. అయితే తమ కుమార్తెను ఆసుపత్రికి తీసుకువెళ్లగా చికిత్స పొందుతూ మృతి చెందింది. భార్య ఫిర్యాదుతో కేసు నమోదు చేసుకున్న పోలీసులు దర్యాప్తు చేస్తున్నారు.