అసలు ఉక్రెయిన్, రష్యా యుద్ధం ప్రారంభమైందే నాటో లో సభ్యత్వం ఇస్తామని అమెరికా, యూరప్ దేశాలు ఆశ చూపడం.. దానికి లొంగిన జెలెన్ స్కీ నాటోలో చేరితే తమను రష్యా ఏమీచేయదనే భావనలో ఉండడం, అనంతరం అమెరికాతో కలిసి పయనించడం, వద్దని రష్యా అధ్యక్షుడు పుతిన్ హెచ్చరించడం.. తదనంతర పరిణామాలతో యుద్ధం ప్రారంభమైంది. ఇప్పటికీ 500 రోజులు దాటిపోయింది. యుద్ధం ఇంకా కొనసాగుతూనే ఉంది.
ఉక్రెయిన్ కు కొద్దొ, గొప్పో ఆయుధాలు సరఫరా చేస్తూ అండగా ఉంటున్నామని చెబుతున్నా యూరప్ దేశాలు ఇక ముఖం చాటేసే ప్రయత్నాలు మొదలెట్టాయి. ఈ మధ్య నాటో దేశాలకు సంబంధించిన సమావేశం జరిగితే అందులో ఉక్రెయిన్ అధ్యక్షుడు మా దేశాన్ని నాటోలో ఎప్పుడు చేర్చుకుంటారని ప్రశ్నించారు. దీనికి యూరోపియన్ యూనియన్ దేశాలన్నీ దాటవేత వైఖరిని అవలంభించాయి. దీంతో ఆయనకు ఏం చేయాలో తెలియని పరిస్థితి.
ప్రస్తుతం ఉక్రెయిన్ అధ్యక్షుడిని బ్రిస్సెల్స్ లో జరిగిన సమావేశానికి పిలవలేదు. మళ్లీ ఎక్కడ నాటో లో చేర్చుకోమని అడుగతాడోనని యూరోపియన్ యూనియన్ దేశాలకు సంబంధించి జరిగిన సమావేశానికి ఆయనకు కనీసం ఆహ్వానం కూడా అందించలేదు. ఇలా మెల్లి మెల్లిగా ఉక్రెయిన్ ను పక్కన బెడుతున్నారు. ఉక్రెయిన్, రష్యా యుద్ధం మరింత ముదిరితే యూరప్ దేశాలను నమ్ముకున్న జెలెన్ స్కీకి మొండి చేయి ఎదురుకాక తప్పదు. కాబట్టి ఇప్పటికైనా ఉక్రెయిన్ అధ్యక్షుడు యుద్ధానికి ముగింపు పలికి శాంతి చర్చలకు ప్రయత్నించాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి