ఎన్నికలు సమీపిస్తున్న వేళ ఆయా పార్టీలు తమ బలాబలాలను అంచనా వేసేందుకు ఇప్పటికే పలు సర్వేలు నిర్వహించాయి. దీంతో పాటు పలు సంస్థలు కూడా సర్వేలను నిర్వహిస్తున్నాయి. ఇందులో నెలవారీ లెక్కలు తీస్తున్న పోల్ స్ట్రాటజీ గ్రూపు ఆగస్టు 23 నాటికి ఏపీ పరిస్థితులపై తమ సర్వేను బహిర్గతం చేసింది. ప్రస్తుతం టీడీపీ జనసేనలు కలిసే పోటీ చేస్తాయ్ అని ప్రకటించిన తర్వాత ఫలితాలు వచ్చే నెలలో తెలియనుంది. సామాన్యంగా వీరు నియోజకవర్గాల సంఖ్య ఇవ్వరు. ఎంతమంది పై సర్వే నిర్వహించారు అనే మాత్రమే చెప్తారు.
తాజాగా ఏపీ పరిస్థితులపై నిర్వహించిన సర్వేలో వైసీపీకి 50శాతం ఓట్లు, టీడీపీ జనసేనకు కలిపి 42 శాతం, ఇతరులకు 8 శాతం ఓట్లు వచ్చే అవకాశం ఉంది. ఇక సీఎంగా ఎవరు ఉండాలనే విషయానికొస్తే జగన్ కు మద్దతుగా 55 శాతం, చంద్రబాబు ఉండాలని 34 శాతం, పవన్ కల్యాణ్ సీఎం కావాలని 11 శాతం మంది కోరుకుంటున్నారు.
ఏపీ 2023లో జగన్ పాలన అస్సలు బాగాలేదు అని 9 శాతం మంది, బాగాలేదు అని 25 శాతం మంది తమ అభిప్రాయాన్ని వ్యక్త పరిచారు. అంటే ప్రభుత్వ వ్యతిరేకత 34 శాతం. చాలా బాగుంది అని 11 శాతం, బాగుంది అని 55 శాతం అంటే వైసీపీ కి అనుకూలంగా 66 శాతం మంది ఉన్నారు. ఇది ఎంత వరకు కచ్చితమనేది రాబోయే ఎన్నికల్లో తెలియనుంది.
