టెండర్ అర్హతలు కూడా షిరిడీ సాయికి అనుకూలంగా రూపొందించారని టీడీపీ అధికార ప్రతినిధి జీవీ రెడ్డి విమర్శించారు. మీటర్ల ఏర్పాటుతో పాటు తర్వాత మెయిన్‌ టెన్స్ రూపేణా కూడా అవినీతి చేసేందుకు పక్కా ప్రణాళిక రూపొందించుకున్నారని టీడీపీ అధికార ప్రతినిధి జీవీ రెడ్డి ఆరోపించారు. కొత్త అప్పు కోసం స్మార్ట్ మీటర్ల నిబంధనలకు తొలుత రాష్ట్ర ప్రభుత్వం అంగీకారం తెలిపిందని ఆయన మండిపడ్డారు.
మీటర్ల ఏర్పాటే రైతులకు ఉరితాళ్లనుకుంటే ఇప్పుడు వాటి ఏర్పాటులోనూ అవినీతికి పాల్పడటం దుర్మార్గమన్న టీడీపీ అధికార ప్రతినిధి జీవీ రెడ్డి ... డిస్కమ్ లు, విద్యుత్ పంపిణీ వ్యవస్థల్ని కుప్పకూల్చటంతో పాటు రైతులకు ఉచిత విద్యుత్ ఎత్తివేసే కుట్ర ప్రభుత్వ చర్యల్లో ఉందన్నారు. అయితే ఈ కుట్ర ముందుగానే బయటపడటంతో ఆగిపోయిందని లేకుంటే రాష్ట్ర ఖజనాకా రూ. 5000 కోట్ల నష్టం జరిగేదని టీడీపీ అధికార ప్రతినిధి జీవీ రెడ్డి చెప్పుకొచ్చారు.
సరే.. ఈ ఆరోపణల సంగతి ఎలా ఉన్నా.. ముందుగా ఈ స్కామ్‌ వ్యవహారం గురించి ఎల్లో మీడియాగా పేరున్న ఓ ప్రముఖ పత్రికలో కథనం వచ్చింది. ఆ తర్వాత.. దీని గురించి టీడీపీ నేతలు ప్రభుత్వాన్ని విమర్శించడం ప్రారంభించారు. ఇలా ఆ పత్రికలో కథనాలు రావడం.. టీడీపీ నేతలు విమర్శించడం..మళ్లీ టీడీపీ నేతల విమర్శలను అదే పత్రిక ప్రముఖంగా ప్రచురించడం అంతా వైసీపీ సర్కారుపై కావాలనే బురద జల్లే వ్యవహారం అని వైసీపీ నేతలు అంటున్నారు.
