కేంద్ర గిరిజన మంత్రిత్వ శాఖ సంబంధించి, 2024 నాటికి 740 ఏకలవ్య పాఠశాలను ఏర్పాటుకు రాష్ట్రపతి ముర్ము శ్రీకారం చుట్టారు. బుట్టాయిగూడెం, రాజవొమ్మంగి ,గుమ్మలక్ష్మీపురంలో ఏకలవ్య పాఠశాలలను ద్రౌపది ముర్ము ప్రారంభించారు. మూడు మంత్రిత్వ శాఖలకు సంబంధించిన ప్రాజెక్టులను ప్రారంభించడం ద్వారా ఆయా రంగాల్లో అదనపు సదుపాయాలు అందుబాటులోకి వస్తాయని రాష్ట్రపతి ముర్ము చెప్పారు.
జాతీయ రహదారుల విస్తరణ దేశానికి మరింత ప్రగతి సూచికగా ఉంటుందని రాష్ట్రపతి ముర్ము అన్నారు. గిరిజన విద్యార్థులు ఉన్నత స్థానాలను అందుకునేందుకు ఏకలవ్య పాఠశాలలు ఎంతగానో ఉపకరిస్తాయని రాష్ట్రపతి ముర్ము ఆశాభావం వ్యక్తం చేశారు. వందేళ్ళ స్వతంత్ర భారతావని అభివృద్ధి కి రానున్న కాలంలో ఇవి తోడ్పడుతాయని నమ్మకం ఉందని రాష్ట్రపతి ముర్ము చెప్పారు.
భారతదేశానికి పూర్వవైభవ సాధనలో ఇవన్నీ ఎంతో ఉపకరిస్తాయని రాష్ట్రపతి ముర్ము అన్నారు. నౌకాదళ ధైర్యసాహసాలను రాష్ట్రపతి ముర్ము ప్రత్యేకంగా ప్రశంసించారు. అంతకుముందు.. విశాఖలో కన్నుల పండువగా నౌకాదళ దినోత్సవం జరిగింది. ముఖ్య అతిధిగా రాష్ట్రపతి ద్రౌపది మర్ము హాజరయ్యారు. నావికుల విన్యాసాలు తిలకించారు. ప్రముఖ సంగీత దర్శకులు శంకర్ మహదేవన్ నేవీ స్ఫూర్తి పెంపొందించే గీతాన్ని ఆలపించారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి