అమెరికాలో గిటార్ హోటల్ అందరి దృష్టినీ ఆకర్షిస్తోంది. గిటార్ ఆకారంలో నిర్మించిన అతిపెద్ద హోటల్ ఫ్లోరిడాలో స్పెషల్ అట్రాక్షన్ గా మారింది. మ్యూజిక్ లవర్స్ ను ఆకట్టుకునే విధంగా.. హోటల్ ఇంటీరియల్ డిజైన్ కూడా గిటార్లను పోలి ఉండేలా జాగ్రత్తపడ్డారు నిర్వాహకులు.
హాలివుడ్లో అత్యంత ఖరీదైన, కళ్లు చెదిరే గిటార్ హోటల్ అంగరంగ వైభవంగా ప్రారంభమైంది. అచ్చం గిటార్ ఆకారంలో నిర్మించిన ఈ హోటల్లో ఏడు వేల సీట్లు కలిగిన కాసినో ఫ్లోర్, 1200 హోటల్ గదులు ఉన్నాయి. ఇవి కాకుండా పలు గేమింగ్ టేబుళ్లు, సంగీత విభావరి వేదికలు ఉన్నాయి. హోటల్ నిర్మాణానికి అయిన ఖర్చు ఒకటిన్నర బిలియన్ డాలర్లు.
సెమిలోన్ హార్ట్ రాక్ క్యాసినో విస్తరణలో భాగంగా.. ఈ గిటార్ హోటల్ రూపుదిద్దుకుంది. హోటల్ లో బయటకు కనిపించే భాగాన్ని ఆక్వా గ్లాస్ తో తీర్చిదిద్దారు. దీంతో పగటి సమయాల్లో ఫ్లోరిడా సన్ లైట్ ను ఇది రిఫ్లెక్ట్ చేస్తుంది. ఒకసారి భవనంలో ప్రవేశించాక మనం గిటార్ ఆకారంలో ఉన్న హోటల్లో ఉన్నామనే ఫీల్ ఏమాత్రం కలగకుండా నిర్వాహకులు జాగ్రత్త తీసుకున్నారు. హోటల్ లో డోర్స్ హ్యాండిల్స్ కూడా ఎలక్ట్రికల్ గిటార్ షేపులో రూపొందించారు.