చాలా కాలం తర్వాత తాప్సీ తెలుగులో చేస్తున్న సినిమా 'మిషన్ ఇంపాజిబుల్'. 'ఏజెంట్ సాయి శ్రీనివాస ఆత్రేయ' ఫేం స్వరూప్ ఆర్ఎస్జే ఈ సినిమాకు దర్శకత్వం వహిస్తున్నారట. ఈ సినిమాను ఏప్రిల్ 1న విడుదల చేస్తున్నట్లు ఒక పోస్టర్ ద్వారా అయితే మేకర్స్ ప్రకటించారు.
ఇక తాప్సీ విషయానికి వస్తే ఆమెకు తెగింపు ఎక్కువ. అందుకే అందరి పై విరుచుకుపడే కంగనా పైనే ఎప్పటికప్పుడు కూడా విరుచుకుపడుతూ తక్కువ కాలంలోనే హిందీలో ఎక్కువ గుర్తింపు తెచ్చుకుంది. మొదట టాలీవుడ్ లో సత్తా చూపిన ఈ ముద్దు గుమ్మ, మొత్తానికి పాన్ ఇండియా బ్యూటీని తాను అనిపించుకుంది. అయితే తాజాగా తాప్సీ పెళ్లి పై ఒక ఇంట్రెస్టింగ్ రూమర్ అయితే వినిపిస్తోంది.
చాలాకాలంగా తాప్సీ డేటింగ్ లో ఉందనే సంగతి అందరికీ తెలిసిందే. తాను గత కొంతకాలంగా లవ్ లో ఉన్నాను అని, తన ప్రియుడు మథియాస్ అనే ఇంటర్నేషనల్ బ్యాడ్మింటన్ ప్లేయర్ అని అతనితో తాను చాలా కాలంగా డేటింగ్ చేస్తున్నాను అని ఇలా తన ప్రేమలోని ప్రతి విషయం వివరంగా చెప్పుకొచ్చిందట తాప్సి. మొత్తానికి ప్రేమలోని మధురానుభూతులను బాగా అనుభవిస్తున్నాను అని కూడా ఆమె సెలవిచ్చింది.
అయితే తాజాగా అతన్ని తాప్సీ త్వరలోనే పెళ్లి చేసుకోబోతుందని సమాచారం.. తాప్సీ పెళ్లి పై గతంలోనే కొన్ని వార్తలు కూడా వచ్చాయి. అప్పుడు పెళ్లి వార్తలు తప్పు అయ్యాయి. కానీ డేటింగ్ మాత్రం నిజం అంటూ సూటిగా సుత్తిలేకుండా చెప్పింది. కానీ, తాజాగా పెళ్లికి తాప్సీ సిద్ధం అయినట్లు సమాచారం.మొదట్లో తాప్సీ రహస్యంగా పెళ్లి చేసుకుందని వార్తలు వచ్చిన కానీ అవి నిజం కాదని తేలిపోయాయి. మరి చూడాలి ఇదైనా నిజం అవుతుందో లేదో...!!
