ఈ సినిమా అప్డేట్ కోసం గత కొద్ది రోజుల నుంచి పలువురు అభిమానులు ర్యాలీలు కూడా నిర్వహించిన సంగతి తెలిసిందే.. ఈ క్రమంలోనే తాజాగా ఈ చిత్రం గురించి ఒక అప్డేట్ బయటకు రావడం జరిగింది. పుష్ప-2 సినిమా గురించి ఫిలిం సర్కిల్లో వినిపిస్తున్న వార్త ఏమిటంటే అల్లు అర్జున్ పుట్టినరోజు ఏప్రిల్ 8వ తేదీన ఒక అదిరిపోయే ట్రీట్ ఇవ్వబోతున్నట్లు డైరెక్టర్ సుకుమార్ ప్లాన్ చేస్తున్నట్లు సమాచారం. ఈ క్రమంలోని ఈ సినిమా ఇప్పటివరకు జరిగిన చిత్రీకరణల నుండి మూడు నిమిషాల నిడివి కలిగిన యాక్షన్ టీజర్ను విడుదల చేయబోతున్నట్లు సమాచారం.
ఇప్పటికే టీజర్ కట్ పూర్తయిందని బ్యాక్ గ్రౌండ్ స్కోర్ కూడా జరుగుతోందని వార్తలు వినిపిస్తున్నాయి. మరొకవైపు దేవిశ్రీప్రసాద్ కూడా సంగీతం అందించే పనిలో ఉన్నట్లుగా తెలుస్తోంది. అల్లు అర్జున్ బర్తడే కానుకగా రిలీజ్ కాబోయే ఈ టీజర్ యాక్షన్ షాట్స్ ఎక్కువగా ఉండబోతున్నట్లు తెలుస్తోంది. అలాగే ఈ సినిమా ఫస్ట్ లుక్ పోస్టర్ కూడా రిలీజ్ చేయబోతున్నట్లు సమాచారం. ఈ చిత్రంలో తమిళ స్టార్ హీరో విజయ్ సేతుపతి సాయి పల్లవి నటించబోతున్నట్లు గతంలో వార్తలు వినిపిస్తున్నాయి. కానీ ఇప్పటివరకు చిత్ర బృందం మాత్రం అధికారికంగా ఈ విషయం పైన స్పందించలేదు. ఏది ఏమైనా ఇన్ని రోజులకు అప్డేట్ ఇవ్వబోతున్నట్లు తెలిసి అభిమానులు ఫుల్ ఖుషి అవుతున్నారు.
