ایم اے سلام
فلم ”میں نے پیار کیا“ سے سب کے دلوں میں جگہ بنانے والی اداکارہ بھاگیہ شری تقریباً ایک دہے بعد پھر فلم انڈسٹی میں واپسی کرنے جارہی ہیں اور ان کا کہنا ہے کہ وہ اب بھی نئی اداکارہ کی طرح محسوس کررہی ہیں۔ بھاگیہ شری نے 1989 میں سلمان خان اسٹار ”میں نے پیار کیا“ سے اپنی بالی ووڈ پاری کی شروعات کی تھی۔ آخری بار وہ 2010 میں آئی فلم ”ریڈ الرٹ“ میں نظر آئی تھیں۔ وہ اس سال کنڑ فلم ”سیتارام کلیانم“ سے لوٹ رہی ہیں۔ اس کے بعد وہ فلم ”کٹی پارٹی“، ”12 اسٹیٹس“ کو تلگو ریمیک اور پربھاس کی ایک فلم میں بھی نظر آئیں گی۔ جس کا نام توقع ہے پربھاس 20 ہوسکتا ہے۔ بھاگیہ شری نے ایک تحریر میں کہا ”ہر فلم میں لوگوں کو بھاگیہ شری کا ایک نیا روپ دیکھنے کو ملیگا۔
میں اس کا لطف اٹھا رہی ہوں کیونکہ مجھے الگ الگ کردار نبھانے کا موقع مل رہا ہے۔ بہت کچھ نیا سیکھنے کو کرنا مجھے ایک نئے اداکارہ کی طرح محسوس ہو رہا ہے۔ انہوں نے جلد ایک ہندی فلم کرنے کی اطلاع بھی دی، لیکن اس کے پروڈیوسر کی جانب سے آفیشیل اعلان کرنے سے پہلے انہوں نے زیادہ معلومات دینے سے منع کردیا۔ بھاگیہ شری کے کلاسیفائیک ٹیڈی نائٹس کی شکایت کی وجہ کام سے دوری بنانی پڑی تھی۔
واضح ہو کہ راجشری پروڈکشن کے بینر پر بنائی گئی بھاگیہ شری اور سلمان خان اسٹار فلم ”میں نے پیار کیا“ نے باکس آفس پر غیر معمولی ریکارڈز بنائے تھے۔ اس فیملی ڈرامہ فلم نے فلمی دنیا کی تاریخ ہی بدل دی تھی۔ صاف ستھری فلم ہونے کی وجہ سے اسے تمام افراد خاندان کے ساتھ دیکھا گیا تھا۔ بالخصوص اسد بھوپالی کے لکھے اس فلم کے گیتوں نے سوپر ہٹ کے کئی ریکارڈس قائم کئے۔ یہ فلم جہاں بھاگیہ شری کے کیریئر کی پہلی فلم تھی وہیں سلمان خان کے کیریئر کی دوسری فلم تھی، لیکن اس فلم سے ہی سلمان خان کو پہچانا گیا۔ فلم کے ذریعہ سلمان خان تو چل پڑے لیکن بھاگیہ شری کم فلموں میں ہی دکھائی دی تھیں۔
