నాగార్జునకు ఇది ఒక మలుపు మార్పు అయినట్టే రాఘవేంద్రరావు కెరీర్‌కూ ఇది ఒక కొత్త దిశ చూపించింది. ఈ సినిమాలో సుమన్ వెంకటేశ్వర స్వామిగా నటించగా, ఆయన భార్యల పాత్రల్లో భానుప్రియ, సుకన్య కనిపించారు. నాగార్జున సరసన రమ్యకృష్ణ, కస్తూరి నటించగా, మోహన్ బాబు – రోజా ముఖ్య పాత్రలు పోషించారు. కీరవాణి స్వరపరిచిన పాటలు ఈ సినిమాకు హృదయం లాంటివి. ముఖ్యంగా ‘కలగంటి… కలగంటి’ పాటతో షూటింగ్ ప్రారంభించగా, అప్పటినుంచి ఈ పాట ఇప్పటికీ భక్తులను ఆవేశభరితుల్ని చేస్తూనే ఉంది. అన్నమయ్య కీర్తనలకు కీరవాణి స్వరాలు కట్టడం వల్ల అవి శాశ్వత గీతాలుగా నిలిచిపోయాయి. ఆర్ట్ డైరెక్టర్ భాస్కరరాజు, అన్నపూర్ణ ఏడు ఎకరాల్లో తిరుమల ఆనందనిలయాన్ని అద్భుతంగా రీ-క్రియేట్ చేసి, ప్రేక్షకులను నిజమైన తలపాక అన్నమయ్య కాలానికి తీసుకెళ్లారు. సినిమాటోగ్రఫీ అందించిన ఎ. విన్సెంట్ విజువల్స్ భక్తి రసాన్ని మరింత బలపరిచాయి.
‘అన్నమయ్య’ విడుదలైన తర్వాత నంది అవార్డుల పంట పండింది. అనేక కేంద్రాల్లో శతదినోత్సవాలు జరుపుకున్నప్పటికీ, దర్శక-నిర్మాతలు శతదినోత్సవ వేడుక మాత్రం నిర్వహించకపోవడం విశేషం. కానీ ప్రేక్షకులు మాత్రం ఈ సినిమాను హృదయపూర్వకంగా శతదినోత్సవం చేసుకున్నారు. ఈ చిత్రంతో నాగార్జున భక్తుడి పాత్రల్లో ఒక ప్రత్యేకమైన స్థానాన్ని సంపాదించాడు. ఆ తరువాత కూడా ఆయన ‘శ్రీరామదాసు’, ‘శిరిడీ సాయిబాబా’ వంటి చిత్రాలలో ఆధ్యాత్మిక పాత్రలు పోషించి భక్తి చిత్రాలకు మరో ముద్ర వేశాడు. అదే విధంగా రాఘవేంద్రరావు కూడా ‘శ్రీరామదాసు’, ‘ఓం నమో వెంకటేశాయ’ వంటి భక్తిరస ప్రధాన సినిమాలతో తన ముద్ర వేసాడు. ‘అన్నమయ్య’ సినిమా కేవలం ఒక మూవీ కాదు, భక్తి – సంగీతం – చరిత్ర కలయిక. నాగార్జున కెరీర్‌లో ఒక మైలురాయి. రాఘవేంద్రరావు దిశలో ఒక విప్లవాత్మక మార్పు. ఈ చిత్రంలోని పాటలు, దృశ్యాలు ఇప్పటికీ తెలుగు సినీ ప్రేక్షకులను, భక్తులను మైమరిపిస్తూనే ఉన్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి