తెలుగు సినీ పరిశ్రమలో స్టార్ హీరోలలో ఒకరు అయినటువంటి రెబల్ స్టార్ ప్రభాస్ కొన్ని సంవత్సరాల క్రితం బాహుబలి ది బిగినింగ్ , బాహుబలి ది కంక్లూజన్ అనే సినిమాలలో హీరో గా నటించిన విషయం మనకు తెలిసిందే. ఈ మూవీ లలో మోస్ట్ బ్యూటిఫుల్ అండ్ వెరీ టాలెంటెడ్ నటిమానులు అయినటువంటి అనుష్క శెట్టి , తమన్నా హీరోయిన్గా నటించగా .. ఎస్ ఎస్ రాజమౌళి ఈ సినిమాకు దర్శకత్వం వహించాడు. విజయేంద్ర ప్రసాద్ ఈ సినిమాలకు కథను అందించగా ... ఎం ఎం కీరవాణి ఈ సినిమాలకు సంగీతం అందించాడు. రానా విలన్ పాత్రలో నటించిన ఈ మూవీ లలో రమ్య కృష్ణ , నాజర్ , సత్యరాజ్ , కీలక పాత్రలలో నటించారు. ఈ మూవీ లు అదిరిపోయే రేంజ్ విజయాలను అందుకున్నాయి.

ఇకపోతే ఈ రెండు సినిమాలలోని కొన్ని సన్నివేశాలను కలిపి బాహుబలి ది ఎపిక్ అనే పేరుతో తాజాగా ప్రపంచ వ్యాప్తంగా పెద్ద ఎత్తున రీ రిలీజ్ చేశారు. రీ రిలీజ్ లో భాగంగా ఇప్పటివరకు ఈ సినిమాకు సంబంధించిన మూడు రోజుల బాక్సా ఫీస్  రన్ కంప్లీట్ అయింది. ఈ మూడు రోజుల్లో ఈ సినిమాకు రెండు తెలుగు రాష్ట్రాల్లో కలిపి 17.30 కోట్ల కలెక్షన్లు దక్కగా ... కర్ణాటక ఏరియాలో 3.45 కోట్లు , తమిళ్ మరియు కేరళలో కలుపుకొని 2.45 కోట్లు , హిందీ మరియు రెస్ట్ ఆఫ్ ఇండియాలో కలుపుకొని 5.65 కోట్లు , ఓవర్ సిస్ లో 11.05 కోట్ల కలెక్షన్లు వచ్చాయి. మొత్తంగా మూడు రోజుల్లో కలిపి ఈ సినిమాకు ప్రపంచ వ్యాప్తంగా 39.90 కోట్ల కలెక్షన్ లు వచ్చాయి. ఇలా బాహుబలి ది ఎపిక్ మూవీ కి మూడు రోజుల్లో ప్రపంచ వ్యాప్తంగా అద్భుతమైన కలెక్షన్లు దక్కినట్లు తెలుస్తోంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pulgam Srinivas

04/11/2025 01:35 PM