పురుష అనే టైటిల్తో తెరకెక్కుతున్న ఈ చిత్రంలో పవన్ కళ్యాణ్ బత్తుల హీరోగా ప్రేక్షకుల ముందుకొచ్చేందుకు సిద్ధమవుతున్నారు. ఈ సినిమా ద్వారా ఆయనకు హీరోగా తొలి పరిచయం లభించనుండగా, ఈ చిత్రాన్ని కళ్యాణ్ ప్రొడక్షన్స్ బ్యానర్ పై బత్తుల కోటేశ్వరరావు నిర్మిస్తున్నారు. ఈ కొత్త చిత్రానికి వీర వులవల దర్శకత్వం వహిస్తున్నారు.సినిమాలో హీరోయిన్ పాత్రల్లో వైష్ణవి కొక్కుర, విషిక, హాసిని సుధీర్ నటిస్తున్నారు. కాస్టింగ్ విషయంలోనే కాదు, పాత్రల విషయంలో కూడా ఎక్కడా రాజీపడలేదని చిత్ర యూనిట్ చెబుతోంది. కామెడీ పాత్రలలో కసిరెడ్డి మరియు ప్రముఖ నటుడు సప్తగిరి ప్రత్యేక ఆకర్షణగా నిలుస్తారని సమాచారం. అదనంగా వెన్నెల కిషోర్, వి.టి.వి. గణేష్, అనంత శ్రీరామ్, పమ్మి సాయి, మిర్చి కిరణ్ తదితరులు నవ్వుల వర్షం కురిపించే కామెడీ డోస్తో ప్రేక్షకులను అలరించనున్నారు.
సినిమా షూటింగ్ భాగం ఇప్పటికే పూర్తయి, ప్రస్తుతం పోస్ట్ ప్రొడక్షన్ పనులు జరుగుతున్నాయి. గ్రాఫిక్స్, బీజీఎం, ఫైనల్ ఎడిట్స్ వంటి విభాగాల్లో బృందం బిజీగా పనిచేస్తోంది. త్వరలోనే ఈ చిత్రం విడుదల తేదీని అధికారికంగా ప్రకటించనున్నట్లు యూనిట్ సర్కిల్స్ నుండి సమాచారం అందుతోంది.మొత్తం మీద సినిమాకి కథ, టెక్నికల్ విభాగాలు, ప్రొడక్షన్ వాల్యూస్ వంటి అంశాల్లో ఎక్కడా కాంప్రమైజ్ చేయకుండా, భారీ స్థాయిలో ఈ సినిమాను నిర్మించినట్టు తెలుస్తోంది. సినిమాటోగ్రఫీ విభాగంలో సతీష్ ముత్యాల అందమైన విజువల్స్తో చిత్రానికి ప్రత్యేకమైన లుక్ తీసుకువచ్చారని యూనిట్ చెబుతోంది. సంగీత దర్శకత్వం శ్రవణ్ భరద్వాజ్ వహించగా, ఎడిటింగ్ బాధ్యతలు కోటి నిర్వ స్వయంగా నిర్వహిస్తున్నారు. ఆర్ట్ డైరెక్షన్ను రవిబాబు చూసుకుంటున్నారు.
పూర్తిస్థాయి ఎంటర్టైనర్గా రూపొందుతున్న ఈ "పురుష" చిత్రం ద్వారా పవన్ కళ్యాణ్ బత్తుల ప్రేక్షకుల ముందుకువస్తున్నారు. పవన్ అనే పేరుతో ఇప్పటికే ప్రేక్షకులలో ఒక ప్రత్యేకమైన అంచనా ఉండటం వల్ల, కొత్త హీరోగా ఆయనపై మరింత ఆసక్తి పెరిగింది. తాజా ట్రెండ్ ను దృష్టిలో పెట్టుకొని, శైలి పరంగా, కథా పరంగా, సాంకేతిక విలువల పరంగా ఈ చిత్రం మంచి స్థాయిలో నిలబడుతుందని మేకర్స్ విశ్వాసం వ్యక్తం చేస్తున్నారు. విడుదల కోసం సన్నాహాలు పూర్తయిన వెంటనే ప్రమోషనల్ కంటెంట్ను విడుదల చేసి ప్రేక్షకుల్లో హైప్ను పెంచాలని యూనిట్ భావిస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి