సమాచారం ప్రకారం, గత కొన్ని రోజులుగా నాగ చైతన్య మరియు క్లాక్స్ మధ్య కథా చర్చలు కొనసాగుతున్నాయి. కథ నచ్చడంతో అక్కినేని కుటుంబం నుంచి కూడా ఈ ప్రాజెక్ట్కు గ్రీన్ సిగ్నల్ వచ్చినట్టు తెలుస్తోంది. ఈ చిత్రాన్ని అన్నపూర్ణ స్టూడియోస్ మరియు నిర్మాత బన్నీ వాసు కలిసి నిర్మించే అవకాశముందని టాలీవుడ్ వర్గాలు చెబుతున్నాయి.
ఇటీవల విడుదలైన “తండేల్” సినిమా నిర్మాణంలో గీతా ఆర్ట్స్ భాగస్వామ్యం ఉన్నప్పటికీ, ప్రొడక్షన్ బాధ్యతలను ప్రధానంగా బన్నీ వాసు చూసుకున్నాడు. ప్రస్తుతం ఆయన సొంత బ్యానర్పై సినిమాలు నిర్మించడానికి ముందుకొస్తున్నారు. ఇప్పుడు అదే బ్యానర్ అన్నపూర్ణ స్టూడియోస్తో కలిసి ఈ కొత్త ప్రాజెక్ట్ను నిర్మించబోతున్నట్టు సమాచారం. నాగ చైతన్య కెరీర్లో ప్రేమకథలకు ప్రత్యేక స్థానం ఉంది. “ఏమాయ చేసావే” సినిమాతో ప్రారంభమైన ఆ ప్రయాణం తరువాత కూడా అనేక రొమాంటిక్ కథల ద్వారా అతను విజయాలు అందుకున్నాడు. ఇటీవల వచ్చిన “తండేల్” కూడా ప్రేమకథే కావడం గమనార్హం. అందుకే మరో లవ్ స్టోరీతో చైతూ ప్రేక్షకుల ముందుకు రావడం అభిమానుల్లో ఆసక్తిని పెంచుతోంది.
ఈ ప్రాజెక్ట్పై అధికారిక ప్రకటన త్వరలోనే వచ్చే అవకాశముంది. కథ, నటీనటులు, సాంకేతిక బృందం వంటి వివరాలు వెల్లడయ్యే వరకు అభిమానులు ఆసక్తిగా ఎదురుచూస్తున్నారు. నాగ చైతన్య కెరీర్లో 25వ సినిమాగా రానున్న ఈ చిత్రం నిజంగానే అతని “డ్రీమ్ ప్రాజెక్ట్”గా నిలుస్తుందా అనే ప్రశ్నకు సమాధానం త్వరలోనే తెలిసే అవకాశం ఉంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి