తమ చిన్నారి బాబుని ఎలాగయినా వెతికి తమకు తిరిగి అప్పగించమని కాళ్ళావేళ్ళా పడి విలపించారు. బాలుడి తల్లి మాధవి పోలీసులకు ఫిర్యాదు చేసి తమ బిడ్డను వేతకాలని కోరింది. దాంతో పోలీసులు రంగం లోకి దిగారు. చుట్టూ పక్కల గాలింపులు మొదలు పెట్టారు. గంటలు గడిచే కొద్దీ ఆ తల్లి ఆవేదన రెట్టింపు అవుతోంది. అయితే ఇంతలో ఆ తల్లి నివ్వెర పోయే వార్త వినాల్సి వచ్చింది. పోలీసుల గాలింపుల్లో మరో విషయం వెల్లడయ్యింది. అయిదేళ్ల లోపు ఉన్న పిల్లాడిని కాల్చి చంపి పరారయ్యారు దుండగులు. అయితే ఈ పిల్లాడు తప్పిపోయిన బాలుడు ఒకరైన అన్న కోణం లో అధికారులు దర్యాప్తు చేస్తున్నారు.
అయితే ఈ వార్త విన్న గ్రామస్తులు ఆ పిల్లాడు తమ గ్రామంలో తప్పి పోయిన పిల్లాడే అయి ఉంటాడు అని అనుమానం వ్యక్తం చేస్తున్న నేపథ్యంలో ఆ తల్లి దుఖ:సాగరంలో మునిగిపోయింది. మృతి చెందిన బాలుడు, తప్పిపోయిన బాలుడు ఒక్కరేనా అని తెలుసుకునేందుకు పోలీసులు డాగ్ స్క్వాడ్ ద్వారా ఆధారాలు సేకరిస్తున్నారు. ఐదేళ్ల లోపు ఉన్న ఆ బాలున్ని దుండగులు మినుము పొట్టులో వేసి పెట్రోల్ వేసి నిప్పు పెట్టి హత్య చేశారన్న విషయం వెల్లడయ్యింది. ఒకవేళ ఆ పిల్లాడు తప్పిపోయిన పిల్లాడు ఒకటే అయితే ఈ దారుణం ఎందుకు చేసి ఉంటారు అన్న కోణం లోనూ పోలీసులు దర్యాప్తు చేస్తున్నారు. ఆ తల్లి మాత్రం ఆ బిడ్డ తన బిడ్డ అయి ఉండకూడదని రోదిస్తున్న ఘటన అందరినీ కలచివేస్తుంది.