യൂത്ത് കോൺഗ്രസ്സ്; ഷാഫി പറമ്പിലിനെ മാറ്റണമെന്ന് ആവശ്യം! തെരഞ്ഞെടുപ്പ് തോൽവിയിൽ ഷാഫി പറമ്പിലിന് പങ്കുണ്ടെന്നാണ് ഒരു വിഭാഗം നേതാക്കൾ വിമർശനം ഉന്നയിച്ചത്. ഷാഫി പറമ്പിൽ രാജിവെയ്ക്കണമെന്നാണ് നേതാക്കളുടെ ആവശ്യമെന്ന് റിപ്പോർട്ടർ ലൈവ് റിപ്പോർട്ട് ചെയ്തു.യൂത്ത് കോൺഗ്രസ് സംസ്ഥാന സമിതി യോഗത്തിൽ സംസ്ഥാന അധ്യക്ഷൻ ഷാഫി പറമ്പിലിനെതിരെ രൂക്ഷ വിമർശനം."ഷാഫി പറമ്പിൽ യൂത്ത് കോൺഗ്രസ് ദേശീയ സമിതിയെ നിരന്തരം തെറ്റിദ്ധരിപ്പിക്കുകയാണ്. തെരഞ്ഞെടുപ്പിനു മുമ്പ് ഇഷ്ടക്കാർക്ക് അനർഹമായ പ്രൊമോഷൻ നൽകി സീറ്റ് നൽകിയതുകൊണ്ടാണ് 12 ൽ 11 പേരും തോറ്റത്." എന്ന് നേതാക്കൾ വിമർശനം ഉന്നയിച്ചു.
തെരഞ്ഞടുപ്പിൽ വൈസ് പ്രസിഡന്റ് തോറ്റതും പ്രസിഡന്റിന്റെ ഭൂരിപക്ഷം കുറഞ്ഞതും മണ്ഡലം ശ്രദ്ധിക്കാത്തതുകൊണ്ടാണ്. യൂത്ത് കോൺഗ്രസിന് പാർട്ട് ടൈം പ്രസിഡന്റല്ല ഫുൾ ടൈം പ്രസിഡന്റാണ് വേണ്ടതെന്നും നേതാക്കൾ പറഞ്ഞു. സംസ്ഥാന നേതാക്കൾ വിളിച്ചാൽ ഷാഫി പറമ്പിൽ ഫോണെടുക്കാറില്ലെന്നും വിമർശനം ഉയർന്നു. യൂത്ത് കോൺഗ്രസ് സംസ്ഥാന കമ്മിറ്റിയുടെ പേരിൽ കെപിസിസി പ്രസിഡന്റിനെയും പ്രതിപക്ഷ നേതാവിനേയും മാറ്റാൻ ഹൈക്കമാന്റിന് സ്വകാര്യ സന്ദേശം ഷാഫി പറമ്പിൽ നൽകിയത് ഗുരുതരമായ തെറ്റാമെന്നും നേതാക്കൾ പറയുന്നു. സ്കോളർഷിപ്പ് വിഷയത്തിൽ പ്രതിപക്ഷ നേതാവ് വിഡി സതീശനെതിരെയും യോഗത്തിൽ വിമർശനം ഉയർന്നു.
അതേസമയം പെട്രോൾ വില വർദ്ധനയ്ക്കെതിരെ യൂത്ത് കോൺഗ്രസ് നടത്തിയ സൈക്കിൾ റാലിക്കിടെ അബദ്ധം പിണഞ്ഞ് യൂത്ത് കോൺഗ്രസ് സംസ്ഥാന പ്രസിഡന്റ് ഷാഫി പറമ്പിൽ. സൈക്കിൾ ചവിട്ടുന്നതിനിടെ "ഞാനപ്പോഴേ പറഞ്ഞതാ വല്ല പദയാത്രയും മതിയെന്ന്." എന്ന് പ്രവർത്തകരോട് പറയുന്ന ദൃശ്യങ്ങളാണ് ഇപ്പോൾ സമൂഹമാധ്യമങ്ങളിൽ വൈറലായിരിക്കുന്നത്. ഫേസ്ബുക്ക് ലൈവിനിടെയായിരുന്നു സൈക്കിൾ ചവിട്ടി മടുത്ത ഷാഫി പറമ്പിലിന്റെ പ്രതികരണം. അമളി പറ്റിയെന്ന് മനസിലായതോടെ ഡിലീറ്റ് ചെയ്യാൻ ഷാഫി പലതവണ ആവശ്യപ്പെടുന്നതും ദൃശ്യങ്ങളിൽ വ്യക്തമാണ്.
സൈക്കിൾ റാലി ലൈവ് ചെയ്യുന്ന പ്രവർത്തകർ ഇത് ലൈവ് വീഡിയോ ആണെന്ന് വ്യക്തമാക്കിയതോടെയാണ് ദൃശ്യങ്ങൾ ഡിലീറ്റ് ചെയ്യാൻ ഷാഫി പറമ്പിൽ ആവശ്യപ്പെട്ടത്. വീഡിയോ പുറത്തുവന്ന് നിമിഷങ്ങൾക്കുള്ളിൽ രാഷ്ട്രീയ പ്രതിയോഗികൾ ദൃശ്യങ്ങൾ ഏറ്റെടുത്തു. ആത്മാർത്ഥതയില്ലാതെ എന്തിനാണ് പ്രതിഷേധ പരിപാടികൾ സംഘടിപ്പിക്കുന്നത് എന്നാണ് അവരുടെ ചോദ്യം. പെട്രോൾ വില 100 കടന്നതിനെതിരെ നൂറ് കിലോമീറ്റർ സൈക്കിൾ ചവിട്ടിയായിരുന്നു യൂത്ത് കോൺഗ്രസിന്റെ പ്രതിഷേധം. കായംകുളം മുതൽ രാജ്ഭവൻ വരെയായിരുന്നു സൈക്കിൾ യാത്ര. രണ്ടാം ദിവസം കടമ്പാട്ട് കോണത്തുനിന്നും ആരംഭിച്ച സൈക്കിൾ യാത്ര സമാപിച്ചു.
Find out more:
click and follow Indiaherald WhatsApp channel