എങ്ങനെ ജിഗ്നേഷ് മേവാനിക്ക് കോൺഗ്രസ് വർക്കിങ് പ്രസിഡൻ്റാകാനാകും? കോൺഗ്രസ് അധ്യക്ഷ സോണിയ ഗാന്ധി ആണ് ജിഗ്നേഷ് മേവാനിയടക്കം ഏഴുപേരെ ഗുജറാത്ത് പ്രദേശ് കോൺഗ്രസ് കമ്മറ്റിയുടെ വർക്കിങ് പ്രസിഡൻ്റുമാരായി നിയമിച്ചത്. എഐസിസി ജനറൽ സെക്രട്ടറി കെ സി വേണുഗോപാൽ ആണ് വാർത്താക്കുറിപ്പിലൂടെ ഇക്കാര്യം അറിയിച്ചത്. മേവാനിക്കു പുറമേ ലളിത് കാഗതര, റുത്വിക് മൿവാന, അംബരിഷ് ജെ ദേർ, ഹിമ്മത്‍സിൻ പട്ടേൽ, കദിർ പിർസാദ, ഇന്ദ്രവിജയ്സിൻ ഗോഹിൽ എന്നിവരാണ് ഗുജറാത്ത് പിസിസിയുടെ പുതിയ വർക്കിങ് പ്രസിഡൻ്റുമാർ. ഗുജറാത്ത് നിയമസഭാ തെരഞ്ഞെടുപ്പിനു മുന്നോടിയായി സംസ്ഥാന കോൺഗ്രസിൻ്റെ വർക്കിങ് പ്രസിഡൻ്റായി സ്വതന്ത്ര എംഎൽഎ ജിഗ്നേഷ് മേവാനിയെ നിയമിച്ചു.
സോണിയ ഗാന്ധി, രാഹുൽ ഗാന്ധി കെ സി വേണുഗോപാൽ, ജഗ്‍ദിഷ് താക്കൂർ എന്നിവർക്ക് നന്ദി അറിയിച്ച മേവാനി കോൺഗ്രസ് പാർട്ടിയുടെ താൽപര്യം സംരക്ഷിക്കുമെന്ന് പറഞ്ഞു. അതേസമയം പുതിയ ചുമതല ഏറ്റെടുത്താൽ സ്വതന്ത്ര എംഎൽഎയായി തുടരുന്ന മേവാനിക്ക് തിരിച്ചടി നേരിടേണ്ടി വരുമെന്ന സൂചനയുണ്ട്. ഇന്ത്യൻ ഭരണഘടനയുടെ പത്താം ഷെഡ്യൂളിൽ ഉൾപ്പെടുന്ന കൂറുമാറ്റ നിരോധന നിയമമാണ് മേവാനിക്ക് വിലങ്ങുതടിയാകുന്നത്. സ്വതന്ത്ര എംഎൽഎയായ മേവാനി കോൺഗ്രസിൽ ഔദ്യോഗികമായി ചേർന്നിട്ടില്ല. പുതിയ ചുമതല ലഭിച്ചതിനു പിന്നാലെ കോൺഗ്രസ് നേതാക്കൾക്ക് നന്ദി അറിയിച്ച് ജിഗ്നേഷ് മേവാനി ട്വിറ്ററിലൂടെ രംഗത്തെത്തി. സ്വതന്ത്ര എംഎൽഎയോ, ഏതെങ്കിലും പാർട്ടിയുടെ നിയമസഭാംഗമോ മറ്റേതെങ്കിലും പാർട്ടിയുടെ ചുമതലയിൽ പ്രവേശിച്ചാലും അയോഗ്യനാകും. ഭരണഘടനാ വിദ്ഗ്ധരടക്കം ഇക്കാര്യം ചൂണ്ടിക്കാട്ടി രംഗത്തെത്തിയിട്ടുണ്ട്.
രാഷ്ട്രീയ പാർട്ടിയുടെ പ്രതിനിധിയായല്ലാതെ തെരഞ്ഞെടുപ്പിൽ മത്സരിക്കുന്ന വ്യക്തി തെരഞ്ഞെടുപ്പിനു ശേഷം ഏതെങ്കിലും രാഷ്ട്രീയ പാർട്ടിയിൽ പ്രവേശിച്ചാൽ ആ അംഗത്തെ സ്പീക്കർക്ക് അയോഗ്യനാക്കാനാകുമെന്നാണ് പത്താം ഷെഡ്യൂളിൽ വ്യക്തമാക്കുന്നത്. കൂറുമാറ്റ നിരോധന നിയമത്തിലെ വ്യവസ്ഥ ചൂണ്ടിക്കാട്ടിയാണ് ആചാരിയുടെ പ്രതികരണം. സ്വതന്ത്ര എംഎൽഎയാണ് ജിഗ്നേഷ് മേവാനി. ഏതെങ്കിലും പാർട്ടിയിൽ പ്രവേശിച്ചാൽ അദ്ദേഹം എംഎൽഎ സ്ഥാനത്തുനിന്നും അയോഗ്യനാകും.
അല്ലെങ്കിൽ, പാർട്ടി പ്രവേശനത്തിനു മുന്നോടിയായി എംഎൽഎ സ്ഥാനം രാജിവെക്കണമെന്നും അദ്ദേഹം വ്യക്തമാക്കി. ആരെങ്കിലും പരാതി നൽകിയാൽ സ്പീക്കർക്ക് എംഎൽഎയെ അയോഗ്യനാക്കാനാകുമെന്നും അദ്ദേഹം കൂട്ടിച്ചേർത്തു. അതേസമയം മേവാനിക്കെതിരെ സ്പീക്കർക്ക് പരാതി നൽകാൻ ബിജെപി നീക്കം നടത്തുന്നുണ്ടെന്നും പാർട്ടി നേതാവിനെ ഉദ്ധരിച്ച് 'ടൈസ് ഓഫ് ഇന്ത്യ' റിപ്പോർട്ട് ചെയ്യുന്നു. ഗുജറാത്ത് കോൺഗ്രസിൻ്റെ വർക്കിങ് പ്രസിഡൻ്റായുള്ള ജിഗ്നേഷ് മേവാനിയുടെ നിയമനം കൗതുകകരമായ കേസാണെന്ന് ലോക്സഭാ മുൻ സെക്രട്ടറി ജനറലും ഭരണഘടനാ വിദ്ഗ്ധനുമായ പി ഡി റ്റി ആചാരി 'ടൈസ് ഓഫ് ഇന്ത്യ'യോട് പ്രതികരിച്ചു.
Find out more:
click and follow Indiaherald WhatsApp channel