తైవాన్ అనేది చాలా చిన్న దేశం. ఇలాంటి చిన్న దేశం కోసం అమెరికా, చైనా లు యుద్ధం చేస్తాయా? ఆ రెండు దేశాలకు అంత అవసరం ఏముంది అంటే ఆధిపత్యం. చైనా ఆధిపత్యానికి సవాల్ విసరడానికి అమెరికాకు ఉన్న ఏకైక అవకాశం ఇదే. యుద్ధం లో ఆధిపత్యం కోసం.
అమెరికాపై ఆర్థిక ఆధిపత్యం కోసం చైనా చేస్తున్న ప్రయత్నాలన్నింటిని ఆ దేశం తిప్పి కొడుతూ వస్తోంది. ఇదే సందర్భంలో ఆయుధ, సాయుధ పరంగా అత్యంత బలమైన దేశంగా తమను గుర్తించాలనేది చైనా తాపత్రయం. 1962లో భారత్ పై జరిగిన యుద్ధంలో సాధించిన విజయాన్నే చైనా ఇప్పటి వరకు ప్రచారం చేసుకుంటుంది. ఆ తర్వాత చైనా ఏ యుద్ధం లోను విజయం సాధించ లేదు. అంటే ఎవరితోను యుద్ధం చేయలేదు. కానీ తమకు తాము బలమైన దేశంగా చెప్పుకుంటోంది.
అమెరికా ఆ తర్వాత జరిగిన యుద్ధాల్లో ఇరాక్ పై గెలిచింది. కానీ అఫ్గానిస్థాన్ లో గెలిచి ఓడింది. సుదీర్ఘంగా 20 ఏళ్ల పాటు పోరాటం కొనసాగించి ఆ తర్వాత వెనక్కి వచ్చేసింది. వియత్నాం, క్యూబా లాంటి చోట్ల ఓటమి అమెరికా చేతకాని తనమే అని చైనా లో పాఠాల కింద చెప్తారు. అక్కడి ప్రజలను నమ్మిస్తుంటారు. ఈ సమయంలో అమెరికా, చైనా మధ్య యుద్ధం జరుగుతుందా.. లేదా హెచ్చరికలతో సరి పుచ్చుకుంటారా. ఒకవేళ జరిగితే పెను విధ్వంసమే.
