ఈ నేపథ్యంలో కొన్ని సర్వేలు వైసీపీకి అనుకూలంగా చెబితే పలు సర్వేలు కూటమికి అనుకూలంగా ఫలితాలు చెబుతున్నాయి. ఈ సమయంలో వేణు స్వామి తెరపైకి వచ్చి ఏపీలో ఎన్నికల ఫలితాలపైన, మంత్రుల విజయవకాశాలపైనా కొన్ని కీలక వ్యాఖ్యలు చేశారు. అవును, ఆరునూరైనా రానున్న ఎన్నికల్లో ఆంధ్రాలో గెలిచేది జగన్ మాత్రమేనని చెప్పుకొచ్చారు. దానికి జాతకాన్ని ఆయన వివరిస్తూ... జగన్ రాశి, నక్షత్రాలు చాలా అనుకూలంగా ఉన్నాయని అన్నారు. ఇదే సమయంలో కొంతమంది మంత్రులపైనా వేణుస్వామి స్పందించడం కొసమెరుపు. ఇందులో భాగంగా... రోజా, అంబటి, అమర్నాథ్ గురించి మాట్లాడుతూ రానున్న ఎన్నికల్లో వీరు బాగా కష్టపడాలని, ఆయా నియోజకవర్గాల్లో వారికీ టఫ్ ఫైట్ ఉండబోతుందని విశ్లేషించారు.
అయితే వీరి గెలుపోటములపై మాత్రం వేణు స్వామి క్లారిటీ మాత్రం ఇవ్వలేదు! ఇదే సమయంలో నెల్లూరు ఎంపీ స్థానంపైనా వేణుస్వామి ఆసక్తికర వ్యాఖ్యలు చేయడం కొసమెరుపు. ఈ సారి నెల్లూరు లోక్ సభ స్థానం విషయంలో ఫైట్ చాలా తీవ్రంగా ఉంటుందని స్పందించారు. ఇందులో భాగంగానే నెల్లూరు ఎంపీ స్థానం కోసం వైసీపీ నుంచి విజయ సాయిరెడ్డి, టీడీపీ నుంచి వేమిరెడ్డి ప్రభాకర్ రెడ్డి మధ్య పోటీలో జాతకం ప్రకారం సాయిరెడ్డికి పది శాతం వరకు మాత్రమే అడ్వాంటేజ్ ఉంటుందని అంచనాగా చెప్పారు. అయితే ఏది ఏమైనా... రానున్న ఎన్నికల్లో జగన్ గెలుపు మాత్రం ఎవ్వరూ మార్చలేరని చెప్పుకొచ్చాడు.
