- ఆంధ్రప్రదేశ్ కీలక నేతల్లో ఒకరు..
- జగన్ నమ్మిన బంటుగా గుర్తింపు..
- వైసిపి పొమ్మనలేక పొగ పెడుతుందా.?

 విజయసాయిరెడ్డి..ఆంధ్రప్రదేశ్ రాష్ట్ర రాజకీయ నాయకుల్లో ఈయన పేరు తెలియని వారు ఉండరు. ఏపీలో తిరుగులేని లీడర్ గా ఎదిగిన విజయ సాయి రెడ్డి  జగన్ ముఖ్యమంత్రిగా ఉన్నప్పుడు ఆయన నమ్మిన బంటుగా ఉండేవారు. ఢిల్లీలో ఎలాంటి పనులు చేయాలన్నా నాయకులను కలవాలన్నా విజయసాయిరెడ్డి తో మాత్రమే అయ్యేది. అలా ఢిల్లీ రాజకీయ నాయకులతో ఎంతో  సాన్నిహిత్యం మెయింటైన్ చేస్తూ వచ్చారు విజయ సాయి రెడ్డి. అలాంటి సాయి రెడ్డి  తన రాజకీయ ప్రస్థానంలో ఎన్నో పదవులు అలంకరించారు. చివరికి వైసీపీ ఓటమి తర్వాత వయసు మీద పడడం వల్ల  పాలిటిక్స్ కు గుడ్ బై చెప్పనున్నట్టు తెలుస్తోంది. అంతేకాదు ఆయన చెప్పకపోయినా  వైసిపి వారు ఆయనకి పొమ్మనలేక పొగ పెడుతున్నట్టే  ప్రస్తుతం ఉన్న పరిస్థితులు చూస్తే అర్థం చేసుకోవచ్చు. ఇన్ని ఇబ్బందుల దృష్ట్యా ఆయన తప్పకుండా పాలిటిక్స్ కు బై బై చెప్తారని కొన్ని వార్తలు వినిపిస్తున్నాయి. ఆ వివరాలు ఏంటో చూద్దాం

 రాజకీయ జీవితం:
 విజయసాయిరెడ్డి  వైయస్సార్ ఫ్యామిలీ నుంచి రాజకీయాలు నేర్చుకున్నారని చెప్పవచ్చు. ముఖ్యంగా వైయస్ రాజారెడ్డి  ఎన్నో వ్యాపారాలు చేసేవారు. ఆ టైంలోనే ఆ వ్యాపార సంస్థలను చూసుకోవడానికి విజయ సాయి రెడ్డిని  నియమించుకున్నారు. దీంతో విజయసాయిరెడ్డి రాజారెడ్డికి సంబంధించిన ఆర్థిక లావాదేవీలు అన్ని చూసుకునేవారు. ఈ టైంలోనే రాజశేఖర్ రెడ్డి తో కూడా మంచి సన్నిహిత్యం ఏర్పడింది. అలా 2004లో ఉమ్మడి ఆంధ్రప్రదేశ్ కు ముఖ్యమంత్రి అయ్యాక  విజయసాయిరెడ్డిని ఆర్బిఐ మేనేజింగ్ డైరెక్టర్ చేయాలని రాజశేఖర్ రెడ్డి భావించిన సాధ్యం కాలేదు. ఇక 2006లో సాయి రెడ్డిని టీటీడీ మండల సభ్యుడిగా నియామకం చేశారు. 2006 నుంచి 2010 వరకు టీటీడీ బోర్డు సభ్యుడిగా  చేశారు. ఆ తర్వాత వైయస్సార్ హయాంలో జగన్ తో కూడా మంచి స్నేహం ఏర్పడింది. అలా జగన్ వ్యాపారంగంలో రాణించేలా విజయసాయిరెడ్డి ఎంతో సహకారం అందించారు. అలా కొనసాగుతున్న తరుణంలోనే 2009లో వైయస్సార్ మరణించడంతో రాష్ట్ర రాజకీయాలన్ని పూర్తిగా మారాయి. ఇక జగన్ ని ఎలాగైనా సీఎం పదవిలో కూర్చోబెట్టాలని ప్లాన్ వేశారు.

 కానీ కాంగ్రెస్ అధిష్టానం ఒప్పుకోకపోవడంతో  జగన్ కాంగ్రెస్ కు ఎదురు తిరిగి కొత్త పార్టీని స్థాపించారు. ఈ తరుణంలోనే ఆయనను  నేరాల కింద జైలు కి కూడా పంపించారు. ఈ టైం లోనే సాయి రెడ్డి వైఎస్ భారతికి అండగా నిలబడి అన్నీ చూసుకున్నారు. అలా 2014లో వైయస్సార్ కాంగ్రెస్ పార్టీ అన్ని నియోజకవర్గాల్లో పోటీ చేసింది. కానీ ఓటమిపాలైంది. 2016లో సాయి రెడ్డి వైయస్సార్సీపి నుంచి రాజ్యసభకు ఎన్నికయ్యారు.  అలా జగన్ కు అండగా ఉంటూ 2019 ఎలక్షన్స్ ముందు పాదయాత్ర చేయించి జగన్ కి మంచి మైలేజ్ వచ్చేలా చేశారు. అలా విజయసాయిరెడ్డి  2019లో వైఎస్ఆర్సిపి కి 151 సీట్లు వచ్చేలా చేసి  మంచి విజయాన్ని అందించాడు. అలా ఎంపీగా ఆయన కొనసాగుతూనే  జగన్ ప్రభుత్వంలో కీలక నేతగా మారారు. ఇక 2024 ఎలక్షన్స్ సమయంలో మళ్లీ పోటీ చేసి ఓటమి పాలయ్యారు. ఇక విజయసాయిరెడ్డి ఓడిపోయిన తర్వాత శాంతి వ్యవహారం భూ దందాల వ్యవహారం ఒక్కొక్కటిగా బయటకు వస్తున్నాయి. అంతేకాదు వైఎస్సార్ కాంగ్రెస్ పార్టీ నేతలే ఆయనపై ఆరోపణలు చేస్తున్నారు.  దీంతో సొంత పార్టీ వారే పొమ్మనలేక పొగ పెడుతుండడంతో  విజయసాయిరెడ్డి రాజకీయాల నుంచి తప్పుకునేలా ఉన్నారు.  ఆయన ఆ పార్టీలో కొనసాగినా భవిష్యత్తులో ఎక్కువగా ఆదరణ ఉండే అవకాశం అయితే కనిపించడం లేదు. అందుకే ఆయన పాలిటిక్స్ కు బై బై చెబుతారని వార్తలు వినిపిస్తున్నాయి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

YSRCP SHANTI RAJASHEKHAR REDDY AP POLITICS

Pandrala Sravanthi

10/08/2024 08:00 AM