( గ్రేట‌ర్ హైద‌రాబాద్ - ఇండియా హెరాల్డ్ ) . . .
తెలంగాణ రాజ‌ధాని గ్రేట‌ర్ హైద‌రాబాద్ లోని జూబ్లిహిల్స్ అసెంబ్లీ నియోజ‌క‌వ‌ర్గానికి జ‌రుగుతున్న ఉప ఎన్నిక‌ల ఓట్ల లెక్కింపు ప్రారంభ‌మైంది. మూడు ప్ర‌ధాన పార్టీల‌కు చెందిన అభ్య‌ర్థుల‌తో పాటు మొత్తం 58 మంది అభ్యర్థులు పోటీలో ఉన్నారు. కాంగ్రెస్ నుంచి నవీన్ యాదవ్, బీఆర్ఎస్ నుంచి దివంగ‌త మాజీ ఎమ్మెల్యే మాగంటి గోపీనాథ్ స‌తీమ‌ణి మాగంటి సునీత , బీజేపీ నుంచి గ‌త అసెంబ్లీ ఎన్నికల్లో ఓడిపోయిన లంకాల దీప‌క్ రెడ్డి పోటీ చేస్తున్నారు. ఎంత మంది పోటీలో ఉన్నా కూడా ముందు నుంచి ప్ర‌ధాన పోటీ మాత్రం బీఆర్ ఎస్ వ‌ర్సెస్ కాంగ్రెస్ మ‌ధ్యే ఉంది. ఇంకా చెప్పాలంటే బీఆర్ ఎస్ వ‌ర్సెస్ కాంగ్రెస్ అనేక‌న్నా కాంగ్రెస్ నుంచి ముఖ్య‌మంత్రి రేవంత్ రెడ్డి వ‌ర్సెస్ బీఆర్ఎస్ వ‌ర్కింగ్ ప్రెసిడెంట్ కేటీఆర్ మ‌ధ్యే హోరాహోరీగా కొన‌సాగుతోంది.
తొలి మూడు రౌండ్లలో కాంగ్రెస్ ముందంజలో ఉంది. తొలి రౌండ్లో కాంగ్రెస్ - 8,926 ఓట్లు, బీఆర్ఎస్ -8,864 ఓట్లు వచ్చాయి. మొదటి రౌండ్లో 47ఓట్ల ఆధిక్యంలో కాంగ్రెస్ అభ్యర్థి నవీన్ యాదవ్ ఉన్నారు. మొదటి రౌండ్లో కాంగ్రెస్ - 8911, బీఆర్ఎస్ - 8864, బీజేపీ - 2267 వచ్చాయి. మొదటి రౌండ్ ముగిసే వరకు కాంగ్రెస్ 47ఓట్లతో లీడ్‌లో ఉంది. రెండో రౌండ్లో కాంగ్రెస్-9,691 ఓట్లు, బీఆర్ఎస్ - 8,609 ఓట్లు పడ్డాయి. రెండు రౌండ్లు పూర్తయ్యే సరికి బీజేపీకి - 317 ఓట్లు వచ్చాయి. రెండో రౌండ్లో 2216 ఓట్ల ఆధిక్యంలో కాంగ్రెస్ అభ్యర్థి నవీన్ యాదవ్ ముందంజలో ఉన్నారు. మూడో రౌండ్‌లోనూ కాంగ్రెస్ ఆధిక్యం కనపరుస్తోంది. తొలి మూడు రౌండ్లు పూర్తయ్యే సరికి కాంగ్రెస్ మెజార్టీ 6 వేలు దాటేసింది.
ఈ వాట్సాప్ నెంబ‌ర్‌కు మీ జిల్లాలో రాజకీయ, సామాజిక స‌మ‌స్య‌లు వివ‌రాలు పంపండి..
ఏపీ, తెలంగాణ‌లో వివిధ నియోజ‌క‌వ‌ర్గాల్లో నెల‌కొన్న ప్ర‌జ‌ల స‌మ‌స్య‌లు, రాజకీయ ప‌ర‌మైన అంశాల‌ను మా దృష్టికి తీసుకు రావాల‌నుకుంటున్నారా ? మీ స‌మ‌స్య లేదా మీరు చెప్పే విషయం ఏదైనా క్లుప్తంగా 9490520108 నెంబ‌రుకు వాట్సాప్ ద్వారా తెలియ‌జేయండి.
నోట్ : వ్య‌క్తిగ‌త స‌మ‌స్య‌లు వ‌ద్దు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి